Türkiyə üçün şok xəbər: “Roj TV” Nobel sülh mükafatına namizəd göstərilib

SON XƏBƏRLƏR

Türkiyə üçün şok xəbər: “Roj TV” Nobel sülh mükafatına namizəd göstərilib

2021.10.20, 07:36

Gunaz.tv

GünAz TV: Türkiyəni parçalamağa çalışan PKK terror təşkilatının təbliğat ruporlarından olan “Roj TV” bu ilki Nobel mükafatına namizəd göstərilib. Bu barədə Qaynar.info Türkiyənin NTV telekanalına istinadən xəbər yayıb.

Danimarkada fəaliyyət göstərən və separatizmi təbliğ edən telekanalı Nobel mükafatına namizəd göstərən 150 nəfərlik qrupda Cənubi Afrikadan olan, əvvəllər Nobel mükafatına layiq görülmüş rahib Desmond Tutu, dünyada ilk işgəncədən müalicə və reabilitasiya mərkəzi quran professor İnge Genefke, Danimarka Helsinki Komitəsinin üzvü Tue Magnussen, BMT-nin (Sazemane Meləle Mottəhed) İşgəncələrlə Mübarizə Komitəsinin üzvü Bent Sörenson, bir sıra Avropa ölkələrinin deputatları, professorlar və QHT-lər (Qeyri Hökumət Təşkilatları) var.

Qeyd edək ki, Nobel mükafatına namizəd Nobel Komitəsi tərəfindən müəyyənləşdirilir. Ancaq əvvəllər Nobel mükafatı qazanmış şəxslər də bu mükafata namizəd irəli sürmək hüququna malikdirlər.

“Roj TV”-nin fəaliyyət göstərdiyi Danimarkadan isə bir xəbər yoxdur. Bu telekanalın bağlanması ilə bağlı məhkəməyə müraciət edən Danimarka Ədliyyə Nazirliyi məsələ ilə bağlı hər hansı açıqlama verməyib. Ancaq Danimarkada hökumət koalisiyasında (etilafi hökumət) təmsil olunan Mühafizəkar Partiyasının sözçüsü Tom Benk deyib ki, Danimarkada bağlanması ilə bağlı məhkəmə prosesi gedən bir telekanalın Danimarkanın Nobel sülh mükafatına namizəd göstərilməsi qəribədir.

GUNAZ.TV

SON XƏBƏRLƏR