GünAzTv: Azərbaycan Respublikasının (Cümhuriyyətinin) daxili işlərinə müdaxilə edən Tehran hakimiyyəti Ermənistanla iqtisadi əlaqələrini ört-basdır etməyə çalışsa da «cidanı çuvalda» gizlədə bilmir.

«İRNA»nın məlumatına əsasən, ötən gün Ermənistanın energetika və təbi ehğtiyatlar naziri Armen Movsisiyan Tehranda səfərdə olub.İslam Respublikasının rəsmiləri ilə görüşdən sonra o, bildirib ki, İranla Ermənistan arasında ikitərəfli iqtisadi əlaqələrin genişləndirilməsi üçün heç bir mane yoxdur.

Erməni nazir İslam Respublikası (Cümhuriyyəti) rəsmilərinin də Ermənistanla əməkdaşlığı genişləndirməkdə maraqlı olduqlarını  söyləyib. «İki qonşu dövlət arasında əməkdaşlığı genişləndirmək üçün iqtisadi əlaqələrin səviyyəsini artırmaq vacibdir»-deyə, Movsisiyan vurğulayıb.

Erməni naziri sözlərinə görə, hazırda İranla Ermənistan arasında 10-dan artıq layihə gerçəkləşdirilməkdədir.

İslam Respublikası prezidentinin birinci müavini Məhəmmədrza Rəhimi də A.Movsisiyanla görüşüb. Tərəflər iki ölkə arasında əməkdaşlığın indiki vəziyyətindən razı qalmadıqlarını vurğulayaraq, əlaqələrin səviyyəsinin yüksəldilməsinin vacibliyindən danışıblar.

İran prezidentinin birinci müavini qeyd edib ki, önəmli məsələlərdən biri, İran-Ermənistan dəmiryolu və avtomobil yollarının birləşdirilməsidir: «Bu hər iki xalqın maraqlarına xidmət edər».

M.Rəhimi Ermənistanla İslam Respublikası arasındakı münasibəti «səmimi», «davamlı inkişaf edən» adlandıraraq, əməkdaşlığın gələcəkdə də inkişaf etdirilməsi üçün lazım olan şərait mövcudluğunu deyib.

Hökumət səlahiyyətləsinin sözlərinə görə, ikitərəfli əlverişli müqavilə və anlaşmaları, özəlliklə təbii qaz və elektrik enerjisinin mübadiləsi isətiqamətində razılıqları Ermənistan və İslam Respublikasının rəhbərlikləri  bəyənərək, təsdiqləyib : «Odur ki, həmin sənədlərin tezliklə gerçəkləşdirmək lazımdır».

Armen Movsisiyan öz növbəsində İranın neft naziri ilə görüşünün məhsuldar keçdiyini, Ermənistanın İranla bütün sahələrdə əməkdaşlığa hazır olduğunu bildirib.

Hələ ötən ilin sonunda Ermənistan energetika nazirinin müavini Ara Simonyan ölkə məclisində 2011-ci ilin dövlət büdcəsinin müzakirəsi zamanı demişdi ki, İran-Ermənistan neft kəməri tikintisinin yaxın iki il ərzində başa çatırılıması planlaşdırılır. O, bu kəmərlə İslam Respublikasından neft məhsullarının ölkəsinə ixracının mümkünülüyünü vurğulamışdı.

Qeyd edək ki, Təbriz-Ararat neft kəmərinin tikintisi ilə bağlı məsələ gündlikdədir. Onun 110 km Güney Azərbaycan ərazsindən, 265 km isə Ermənistandan keçəcək. «8 dyumluq diametrində olan bu kəmər Enmənistanın neft məhsullarına olan ehtiyacını 2037-ci ilədək bütövlükdə təmin edə bilər»-deyə, Simonyan söyləmişdi.

İslam Respublikası ilə Ermənistan arasındakı bu işgüzar əməkdaşlıq iki öncə baş vermiş bir olayı xatırlatdı. Bu hadisə müsəlman qardaşlığandan danışan Tehran hakimiyyətinin bəyan etdiyində də saxtarkarlıq etməsini özünü bir daha təsdiqləyir.

Həmin il  İranın Milli Qaz şirkətinin mətbuat katibi Abdulla Qəmbəri bildirmişdi  ki, İran-Ermənistan qaz kəmərinin tikintisi ikincinin  ərazisində başa çatdıqdan sonra Tehran bu ölkəyə «mavi yanacaq» ötürəcək.

Uzunluğu 110 kilometr olan bu kəmərlə İran sutkada (24 saatda)  Ermənistana 10 milyon kub metr təbii qaz verəcək. Bu tikintinin qiyməti 70 milyon dollar dəyərləndirilmişdi.

İran-Ermənistan təbii qaz kəməri 2007-ci ildə, Novruz bayramında rəsmi olaraq açıldı. Həmin mərasimdə İran prezidenti Mahmud Əhmədinijat və onun o vaxtkı erməni həmkarı Robert Koçaryan da iştirak etmişdi. Tehran təmisilçisi bunun ermənilərə «bayram hədiyyəsi» olduğunu söyləmişdi.

Kəmərin İran ərazisindəki hissəsinin 756 günə inşası nəzərdə tutulumuşdu. Amma Tehran tərəfi bunu 650 günə başa çatdırıb.

Bu açılışlardan sonra  İranın keçmiş xarici işlər naziri Mənuçehr Müttəki Tehranın Sənaye Universiteti tələbələri ilə görüşdə çıxış edən güney azərbaycanlı tələbə nazirə suala edərək, soruşmuşdu : «Müsəlman Azərbaycanın ərazisini işğal edən Ermənistanla İslam Respubliksının səmimi münasibətlərinin səbəbi nədir?»

Verilən haqlı sulaı cavablandırmaqdansa, M.Müttəki zaldakı müxbirlərdən tədbirin bu hissəsinin silinməsini istəmişdi. Bununla da o, haqlı sualı  cavabsız qoymuşdu.

Sual İran rəsmisinə iki il öncə verilsə də güneyli-quzeyli azərbaycanlılar 20 ildən artıqdır ki, islam dünyasının təəssükeşi rolunda çıxış etdiyini bildirən Tehran hakimiyyətindən  həmin sorğuya cavab gözləməkdədir. Sədrəddin Soltan