Haşimi Rəfsəncani ETTELAATın hədəfində

SON XƏBƏRLƏR

Haşimi Rəfsəncani ETTELAATın hədəfində

2021.10.20, 07:36

Gunaz.tv

GünAzTv: İran İslam Respublikasının (Cümhuriyyət) Təhlükəsizlik Naziri Heydər Moslehi bilirib ki, “Fitnəkarları müdafiə edən mollalar digər “fitnəkar” tərəfdarları kimi mühakimə olunmalıdır.

Moslehi yanvarın 26-da Amol şəhərində çıxış edərək bildirib ki, “Hələdə fitnəkarların başçıları daxildə və xaricdə öz mövqelərində dayanmaqdadırlar. Hətta son günlərdə onlardan biri öz mövqelərində qaldığını da bildirib.”

ETTELAAT (İranın Kəşfiyyat Nazirliyi) naziri bu barədə əlavə məlumat verməsədə bu açıqlamaları ilə birbaşa “Xobrəqan Məclisinin” sədri və “Nizamın Məsləhət Şurasının” başqanı Əkbər Haşimi Rəfsəncanini hədəf alıb. Xatırladaq ki, mövcut hökümətə müxalif mövqedə dayanan Rəfsəncani qıldığı son cümə namazında (21 yanvar) siyasi məhbusların azadlığa buraxılmasını, prezident seçkilərinə etiraz edən və hadisələr zamanı həlak olanların ailə üzvlərinə təzminat verilməsini, eləcədə, siyasi diyaloqun başlamasını tələb etmişdi. Rəfsəncaninin bu sözləri hakim dairələrin xoşuna gəlməmiş və bu səbəbdən o artıq Tehran cümə namazlarında görünmur. Hakimiyyət tərəfdarları Haşimi Rəfsəncaninin son bəyanatını müxalifləri dəstəkləmək kimi dəyərləndirirlər. Bu səbəbdən bir çox hallarda onu müxalifət cərgəsinə daxil edirlər. Ancaq Rəfsancani bu reaksiyalara baxmayaraq daha sonra da öz saytında verdiyi müsahibədə öz mövqeyində qaldığını bildirmişdi.

Bundan əlavə Moslehi öz çıxışında bildirib ki, Ali Dini Rəhbərin “fitnə” cərəyanın davam etdirilməsi ilə bağlı xəbərdarlıq etməsinə baxmayaraq, bir sıra yüksək rütbəli dövlət adamların bu cərəyana yaxın olması müşahidə olunur. O, həmçinin təssüflə bildirib ki birsıra ziyalılar da fitnəkar cərəyan qarşısında səssiz dayanıb və fitnəkarları tənqid etməkdən imtina edir. Moslehi bunu Qərb və İsrailin bu ziyalılara təsiri və onları sükuta məcbur etməsi kimi dəyərləndirib.

Moslehi ziyalıların adını çəkməsədə aydındır ki, o bununla dövlət postlarında təmsil olan dini xadimlər o cümlədən Haşimi Rəfsəncanini və onun yaxın adamlarını nəzərdə tutur. Onun bu sözlərinin ciddi ittihamlar olmasına baxmayaraq, qarşı tərəfın hakimiyətin əlinə bəhanə verməmək üçün susacağı gözlənilməkdədir. Hətta Moslehinin bu ittihamalarının Rəfsancani və tərəfdarlarını provakasiyaya çəkmək üçün gündəmə gətirdiyi də istisna edilmir. Araztm

GUNAZ.TV

SON XƏBƏRLƏR