GünAzTv: Təhlilçilər bu ölkənin ikiyə parçalanacağını iddia edir.

 

Tunis və Misirdəki qarışıqlıq Livanı unutdurmayıb. Ötən ay hizbullah üzvlərinin nazirlər kabinetindən istefa verməsi ölkədə hökumət böhranın yaranması ilə yekunlaşıb. Bu isə ölkədə gərginliyi artırıb.

 

Ötən gün Livanın təhlükəsizlik qüvvələri bildirib ki, ölkdə «sakit gərginlik» hökm sürür. Üç gün öncə baş vermiş qarşıdurma nəticəsində 45 nəfər yaralanıb, onların 35 hərbçi, 2-si isə polisdir. 

 

Hərbçilər yolları bağlayan bareyrləri yığışdırıb. Bununla belə ərəb dövlətlərin Səudiyyə Ərəbistanını Beyrutdakı səfri Əli Auad Əssiri krallığın vətəndaşlarına Livanda vəziyyət sabitləşməyənədək bu ölkəyə səfər etməməyi məsləhət görüb.

 

Livan prezidenti Mişel Süleyman «Məcd Hərəkatı»nın liderri Nəcib Mikatiyə yeni hökuməti formalaşdırmağı tapşırıb. O, ilk növbədə keçmiş baş nazir Səəd Həriri ilə görüşüb.

 

S.Həriri «The New York Times» qəzetinə müsahibəsində deyib ki, kimliklərindən asılı olmayaraq, atasının (qətlə yetirilmiş baş nazir Rafiq Həriri) qatilləri onu Livan hökumətinin başında görmək istəmir. O, hesab edir ki, hazırda baş verənlər 2005-ci ildə baş verənlərlə Rafiq Həririnin ölmündən sonrakı hadisələrlə birbaşa əlaqədardır.

 

Qeyd edək ki, ncib Mikati 2005-ci ilin aprel-iyun aylarında Livan hökumətin müvəqqəti başçılıq edib.

 

Bir müddət öncə ABŞ-ın (Amerika Birləşmiş Ştatları) dövlət katibi HillariKlinton xəbərdarlıq edərək, bildirmişdi ki, Vaşinqton «terrorçu «Hizbullah» təşkilatı ilə sıx bağlı olanla əməkdaşlıq edə bilməz.

 

Amerikalı diplomat bildirib ki, «Hizbulla» hakimiyyətə gələcəyi halda ABŞ-ın Yaxın Şərq ölkələrinə münasibəti dəyişəcək. «Hizbulla» tərəfindən nəzarət edilən bir hökumət bizmi Divanla ikitərəfli münasibətimizə təsir edəcək. Hesab edir ki, ədalət zəfər çalmalı, qatillər tapılıb, cəzalanmalıdır. Biz Livanın suverenliyinə inanırıq»-deyə, o, ölkəsinin mövqeyini açıqlayıb.

 

Xatırladaq ki, R.Həririnin qətli ilə bağlı prokuror Daniel Belmar tərəfindən ittiham irəli sürülüb. İtthama əsasən keçmiş baş naziri «Hizbullah» qrupunun üzvləri planlaşdıraraq, həyata keçirib. «AFR»-in məlumatına görə, İranın ali rəhbəri ayətullah Xamneyi isə 2005-ci ilin fevralında qətli «sifariş» verib. «Sifariş»çi olduğuna görə, ona qarşı da ittiham irəli sürülüb.

 

Bir müddət öncə R.Həririnin qətlini «Hizbullah»nın əməliyyat bölməsinin rəisi İmad Muqniya və qrupun iranlı komandiri Qasım Süleymaninin planlaşdırdığı bildirilirdi.

 

Hesabata əsasən, baş nazirə hücumu Muqniyanın əmisi oğlu Mustafa Bədrəddin başçılıq etdiyi döyüşçü qrup həyat keçirib.

 

«İranın qənaətincə, Həriri Səudiyyə Ərəbistanının casus idi. Bu səbədən də onun ölmü Livandakı «Hizbullah»ya sərf edərdi»-deyə, «Newsmax» bildirib.

Mənbənin bildirdiyinə görə, hesabatda ayətullah Xamneyinin İnqilab Keşikçiləri Qvardiyasının komandanlığına əmr verdiyi haqda dəlillər var.

 

Qeyd edək ki, hizbullahçı İmad Muqniya R.Həririnin qətlindən bir müddət sonra müəmmalı şəkildə öldürüldü. Onun da qətili haqda çeşidli variantlar söylənilməkdədir. Elə R.Həririnin ölmündə İran hakimiyyəti və «hizbullah» ilə yanaşı, Suriyanın prezidenti Bəşşar Əsəd, eləcə də  onun əmisi oğlu, Suriya kəşfiyyat idarəsinin o vaxtkı başçısı Asəf Şövkətin də əsas rol oynadığı haqda versiya irəli sürülür.

 

«Hizbullah» lideri Nəsrulla N.Mikatinin onların təşkilatından olmadığını bildirib.

 

Livanda baş verənlərdən ən çox qonşu İsrail rahatsızdır. Yəhudi dövləti baş nazirinin müavini Silvan Şalom dünya ictimaiyyətinə müracitəində deyib ki, Livanı «Hizbullah» və İranın  girovuna çevrilməyə qoymasınlar.

 

Nəcib Mikatinin baş nazir postuna keçməsini dəyərləndirən İsrail rəsmisi beynəlxalq ictimaiyyəti Livandakı hadisələrin Tehranın ssenarisi ilə inkişaf etməsinə yol verməməyə çağırıb.

 

«Hizbullah» adi terrorçu təşkilat deyil, o, İslam Respublikası tərəfindən nəzarət edilən və dəstəklənən qrupdur.İran İsrailin Şimal sərhədlərinə yaxınlaşır»-deyə, baş nazirin müavini xəbərdarlıq edib.

 

Livanda baş verənlər ölkənin bölünmə təhlükəsi ilə üzləşdiyi ehtimalını da irəli sürməyə sas verir.

 

«MIGnews»-un məlumatına əsasən, Qətərin paytaxtı Dohadakı Strateji araşdırma mərkəzinin başçısı doktor Sami əl-Fərəcin qənaətincə, Livan iki yerə – «Hizbullah»nın nəzarət edəcəyi Cənuba(şiə), və sünnilərlə xristianların  Şimal dövlətinə parçalanacaq.

 

Əl-Fərəc hesab edir ki, bu ölkədə yaranmış mövcud siyasi dalandan çıxmağın ən ehtial olunan yoludur. Bundan heç də az olmayan ehtimal isə  «hizbullah»nın bütövlükdə Livanda hakimiyyəti ələ keçirməsidir.

 

«Qətər və Səudiyyə Ərəbistanı artıq bunu anlayıblar. Ona görə də Livanla bağlı ağılsız məsələyə vasitəçilik etməkdən tələsik əl çəkiblər»-deyə, əl-Fərəc söyləyib.

 

Qətərin «Peninsula» saytına müsahibəsində əl-Fərəc deyib: «Belə qənaətdəyəm : ya Livan parçalanacaq, ya da bütünlükdə «Hizbulla»nın nəzarəti altına keçəcək. İkinci hal həm də Livanın İranın nəzarəti alıtına keçməsi deməkdir. Ən pis hal İsrailin birbaşa müdaxiləsidir. Yaxşısı isə türklərin məsələyə qarışmasıdır. Bu halda hadisələr istənilən radikal ssenari üzrə inkişaf edə bilər.

 

Bütün hallarda ərəblərin nüfuzuna ziyan dəyəcək. Onlar dünyaya zəif olduqların göstərəcək».

 

Küveytdə çıxan «Alseyiasi» qəzetinin bildirdiyinə görə, Qərb dövlətləri Suriya, İran və «Hizbullah»nın Livandakı planını alt-üst etməyə hazırlaşır.

 

Qəzet «Qərbdəki kəşfiyyat qaynaqlarına» istinadən yazıb ki, Livanın sahillərinə «iki güclü hərbi-dəniz qüvvəsi» yön alıb. «Alseyiasi» donanmanın mənsub olduğu dövlətin adını açıqlamayıb.

 

Mənbənin yazdığına görə, həmin qrupa «iki atom aviadaşıyıcı olan 210 qırıcı, 30 hərbi gəmi və 5800 dəniz piyadası» daxildir.

 

Gəmilər körfəzdən yola düşüb və qrupların Livan və Suriya sahilləri yaxınlığında yerləşdiriləcəyi planlaşdırılır.

 

Verilmiş təlimata görə, donanma Livandakı hadisləri müşahidə etməli, Suriyameyilli ünsürlərin və «hizbullah»nın ölkədə hakimiyyəti ləə keçirməsinə imkan verməlidir.

 

«Alseyiasi» qəzetinin yazdığına görə, «Hizbullah»nın Livanda hakimiyyəti ələ keçirməsi «ərəb dünyasına, İsrailə və Avropaya açıq-aşkar təhlükədir». İran, Suriya və «Hizubllah»nın daxil olduğu «şər oxuna» qarşı bu dövlətlər «güclərini birləşdirməlidirlər». Sədrəddin Soltan