Rusiya liderləri qəzəblənib

SON XƏBƏRLƏR

Rusiya liderləri qəzəblənib

2021.10.20, 07:36

Gunaz.tv

GünAzTv: Rusiyada "Domodedovo" hava limanındakı terror aktına görə hələlik kimsə məsuliyyəti öz üzərinə götürməyib.

Bir ABŞ (Amerika Birləşmiş Ştatları) düşüncə quruluşu hücumun məsuliyyətini çeçen dirənişçilərinin lideri Doku Umarovun öz üzərinə götürməyə hazırlaşdığını iddia edib. "İntelCenter" mütəxəssislərinə görə, Umarov 72 saat içərisində terror aktının məsuliyyətini öz üzərinə götürdüyünə dair video lenti yayımlayacaq.

GünAzTv mətbuat mərkəzinin TRT-yə istinadən yaydığı məlumata görə, Müşahidəçilər hücumda dünyasını dəyişənlərdən dördünün xarici vətəndaş olmasına diqqət çəkərək, hücumun çeçenlər tərəfindən təşkil olunduğu ortaya çıxacağı təqdirdə, bunun taktika dəyişikliyi kimi dəyərləndirilə biləcəyini söyləyirlər. Çeçenlərin ilk dəfə əcnəbilərin də çox olduğu ehtimal edilən bir yeri hədəfə aldığı bildirilir.

Bu arada hava limanındakı terror aktının video görüntüləri ortaya çıxıb. Görüntülərdə sərnişinlərin baqajlarını təhvil alıb çıxarkən partlayış olduğu görünür. Partlayışın törədildiyi salonun biletsiz insanların da girə bildiyi məkan olduğu bildirilir. "İnterfax" agentliyi terror aktını törətdiyi ehtimal olunan kamikadzenin başının ələ keçirildiyini açıqlayıb. Qadın kamikadzeyə yardım edən digər şəxsin də öldüyü açıqlanıb.

Prezident Dmitri Medvedyev hava limanında lazımi təhlükəsizlik tədbirlərinin görülmədiyini bildirərək yetkililərin cəzalandırılmasını tələb edib: "Bir kamikadze (intiharçı) 7 kiloqram TNT ilə əlini-qolunu sallayaraq Rusiyanın ən böyük hava limanına necə girə bilər?"

Baş nazir Vladimir Putin isə terror aktını törədəblərdən intiqam alacaqlarını bildirib.

GUNAZ.TV

SON XƏBƏRLƏR