GünAzTv: Məlum olduğu kimi yanvarın 13-14-də Bakıda səfərdə olan Avropa Komissiyasının prezidenti Joze Manuel Barrozunun verdiyi bəyanatlar Avropa İttifaqının saytında ixtisarla yerləşdirilib.

Barrozunun çıxışında təmsil etdiyi qurumun Azərbaycanın ərazi bütövlüyünü dəstəkləməsi barədə dedikləri komissiyanın rəsmi saytından sadəcə olaraq çıxarılıb. Hamı bilir ki, Barrozu Azərbaycanın ərazi bütövlüyün dəstəkləyən fikir bildirib. İndi nələr baş verdi ki, Barrosu buradan gedəndən sonra onun fikirləri ixtisar edilib. Türkiyədə fəaliyyət göstərən 21 Yüzillik İnstutunun analitiki Dr. Ələsgər Ələsgərli GünAzTv mətbuat mərkəzinə açıqlamasında burada heç nə görmədiyini və Avropa və Amerika da heç vaxt Azərbaycana qarşı səmimi olmadığını bildirirək, “İstər demokratik dəyərlər olsun, istər Azərbaycanın torpaq bütünlüyü olsun – bu məsələlərdə həm Avropanın, həm də Amerikanın hərəkətləri onların mənfəətləri çərçivəsində baş verib. Bu səfərə də baxdığımız zaman Barrozu”nun enerji ilə bağlı gəldiyini görürük. Onlara enerji lazımdır. Yetər ki boruları dolsun. Ardı onlar üçün maraqlı deyil. Azərbaycan torpaqlıarının işğalı və ya bundan sonraki dönəmdə də Azərbaycanın qarşılaşa biləcəyi risklər də onların vecinə də deyil. Üstümüzü unlu görüb dəyirmançı bilməsinlər. Azərbaycan xarici siyasətində əlindəki imkanları səmərəli və təsirli şəkildə dəyərləndirməlidir”,- deyə söylədi.

Azərbaycan-Belçika Dostluq Cəmiyyətinin başqanı, tanınmış diasporçu Ayhan Dəmirçi də GünAzTv mətbuat mərkəzinə Barrosonun söylədiklərini inkar etməsi hər azərbaycanli kimi biziləri də hiddətləndirdiyini bildirdi: “Joze Manuel Barroso sıradan biri deyil, Avropa Komissiyasının başqanıdır. Onun Bakıda Azərbaycanın ərazi bütünlüyünü dəstəkləməsi ilə bağlı fikri özünün deyil, Avropa İttifaqının qərarı olaraq qəbul edilməlidir. Amma çox təəssüf ki, demokratiyda, insan haqlarından, barışdan və dövlətlərə sayğıdan danışan bir qurumun başqanı bu gün danışdıqlarını, mən bunları söyləmədim deyə inkar edirsə, bu na nə ad vermək olar?! Əslində Barroso bu hərəkəti ilə yalnız özünə deyil, bütün Avropa İttifaqının imicinə zərbə vurmuş oldu. Yəni bütün bu olanlar Avropa Birliyinin Azərbaycana olan münasibətinin təzahürüdür. Bundan sonra əmin olaraq deyə bilərəm ki, Avropa Birliyi erməni lobbisinin təsir altındadır, ya da bizə məlum olmayan hər hansısa planları var. Əslində Avropanın Azərbaycana çox ehtiyacı olsa da öz maraqlarına uyğun və Azərbaycanın maraqlarını diqqətə almadan, Azərbaycana qarşı net və səmimi münasibət göstərmədən etməyə çalışır. Mənə elə gəlir ki, Azərbaycan Avropa Birliyinə öz sərt münasibətini göstərməlidir. Biz Azərbaycan-Belçika Dostluq Cəmiyyəti olaraq, Barrosonun bu hərəkətini pisliyirik və AB-nın Azərbaycana qarşi səmimi və durust olmasını tələb edirik »,- bu açıqlamaları ilə fikirlərini tamamladı.

Almaniyanın Mayns Universitetinin müəllimi, tarixçi Dr. Zaur Qasımov isə GünAzTv mətbuat mərkəzinə açıqlamasında bu məsələ ətrafında tamam fərqli düşündüyünü bildirirək: “Barrozo və avropa siyasiləri üçün və ümumiyyətlə avropa strukturları Qafqazda üçün sülhün bərqərar olması ən vacib məsələdir. Ərazi bütövlüyü önəmlidir, eyni zamanda isə insan haqqları da onlarçün önəmlidir. Avropa bütün bölgəni Gürcüstan kimi demokratik və azad görmək istəyir”. Elnur Eltürk