GünAzTv: Birləşmiş Ərəb Əmirliyinin (BƏƏ) paytaxtı Əbu-Dabidə İslam Konfransı Təşkilatı Parlament Assambleyasının toplantısı işə başlayıb.

GünAzTV-nin «İRİNN»ə istinadən məlumatına görə, İran İslam Respublikası təşkilatın bu yığıncağını boykot edib.

İran parlamentinin milli təhlükəsizlik və xarici siyasət komissiyasının təmsilçisi Kazım Cəlili bildirib ki, BƏƏ-yə etiraz olaraq, Əbu-Dabidəki toplantıya onlar qatılmayacaq.

Onun sözlərinə görə, Əbu-Dabi konfransınin gerçək siyasi-hüquqi əsası yoxdur : «Təşkilatın Parlament Assambleyası icariyyə komitəsinin konfarnsı hər iki ildən bir, qurultayı isə hər il keçirilir. Şuraya Əmirlik başçılıq etdiyindən icariyyə komitəsinin toplantısı ikinci dəfədir keçirilir. Bu isə qanunsuzdur».

Parlament nümayəndəsi bildirib ki, İKT-nin bu yığıncağı BƏƏ-də deyil, İndoneziyada keçirilməli idi. «Əmirlikdə adətən qurumun nizamnaməsində dəyişiklik etmək məqsədi ilə fövqəladə ssesiya keçirilir. Əbu-Dabi konfarnsında istənilən qətnaməyə əməl etmək bizim üçün qəbuledilməzdir».

Xəbərlərə görə, həmin toplantıda Azərbaycan torpaqlarının Ermənistan tərəfindən işğalı ilə bağlı məsələ də müzakirə olunacaq. Habelə bununla bağlı sənədin qəbulu da gözlənilir. Belə çıxır ki, Tehran hakimiyyəti qurumun Ermənistanla bağlı sənədindən irəli gələn vəzifələrə əməl etməyəcək.

İran rəhbərliyinin Ərəb Əmirliyi ilə kin-kidürət saxlaması məsələsinə gəldikdə isə xatırladaq ki, bir neçə ay öncəBirləşmiş Ərəb Əmirliyi İran İnqilab Keşikiçiləri Qvardiyasına bağlı olduğu iddia edilən islam Respublikasına məxsus 40 şirkətin dəftərxanasını bağlayıb.

Məlumata əsasən, həmin şirkətlər qvardiya ilə əlaqədar olmaqla yanaşı, ikili təyinatalı texnologıyanın İrana çatırılıması istiqamətində fəaliyyət göstərib.

Əmirlik rəsmisi bildirmişdi ki, ölkəsi BMT Təhlükəsizlik Şurasının qərarına əməl edir və qurumun qəbul etdiyi sanksiyada qvardiya ilə iş birliyində olan istənilən şəxs , yaxud Birləşmiş Ərəb Əmirliyində  fəaliyyətdən məhrum olacaq. Bağlanan şirkətələr arasında neft hasil edən firmalar da var.

Ötən ilin aprelində Dubya Əmirliyi İranla ticarət əlaqlərini məhdudlaşdırdığı barədə  bəyanat vermişdi.Çünki BMT TŞ tərəfindən qəbul edilmiş sanksiyada «qara siyahıya» düşmüş «ikili təyinatlı məhsullar» (başqa sözlə həm də İranın atom-nüvə proqramında istifadə olunan) İslam Respublikasına bu əyaləytin bazarından ötürülürdü.

2009-cu ildə İranla Dubay Əmirliyi arasında 12  milyard dollardan artıq ticarət dövriyyəsi olub. Məlumatlara əsasən  Avropada istehsal olunan bütün məhsullar demək olar ki, bu bazardan İrana ötürlür.

Xəbərlərə əsasən, əmirlikdə iranlıların 8 min şirkəti və sahibkar fəaliyyət göstərir. Bunu əmirlik əhalisinin önəmli bir hissəsinin İran mənşəli olduğu ilə də əlaqəlndirirlər. Birləşmiş Ərəb Əmirliyinin başqa bir əyaləti, Əbu –Dabidən  də İrana Qərb istehsalı olan mallar ötürlürdü, amma beynəlxalq yasaq bu yolun bağlanması ilə nəticələndi. Ərəb təhlilçiləri hesab edir ki, Dubay qonşu əmirlikdən nümunə götürərək, İran İslam Respublikası ilə ticarət əlaqələrini azaltmaq məcburiyyətində qalacaq.

Bir neçə ay öncə Əmirlikdə İranın «Persia International Bank» adlı bankının hesabları da dondurulub. Sədrəddin Soltan