Contact Us

SON XƏBƏRLƏR

Azərbaycan İslam Partiyasının Gəncə şəhər şöbəsinin sədrinin mənzilindən silah-sursat tapılıb

2021.10.20, 07:36
Azərbaycan İslam Partiyasının Gəncə şəhər şöbəsinin sədrinin mənzilindən silah-sursat tapılıb

Gunaz.tv

GünAzTv: Qeyri-qanuni fəaliyyət göstərən İslam Partiyasının Gəncə şöbəsinin sədri, 1967-ci il təvəllüdlü Ələkbərov Yusif  Fəxrəddin oğlunun mənzilindən silah-sursat tapılıb.

Daxili İşlər Nazirliyinin mətbuat xidmətindən verilən məlumata görə, 2011-ci il yanvarın 14-də Respublika Baş Prokurorluğu, Milli Təhlükəsizlik Nazirliyinin Gəncə şəhər İdarəsi və Gəncə Şəhər Polis İdarəsi Gəncə şəhəri D.Bünyadzadə küçəsi ev 2-də yaşayan Ələkbərov Yusif Fəxrəddin oğlunun evinə baxış keçirib.GünAzTv mətbuat mərkəzinin “Ans press”-ə istinadən yaydığı məlumata görə, Birgə həyata keçirilən istintaq hərəkətləri və əməliyyat-axtarış tədbirləri nəticəsində oradan 1 ədəd "AKSU", 1 ədəd nömrəsi silinmiş və qundağı kəsilmiş "AK-74", 1 ədəd qundağı kəsilmiş "AK-74", 1 ədəd "AKM", 1 ədəd nömrəsi silinmiş "AKM", 1 ədəd əldədüzəltmə "UZİ" silahları, 2 ədəd mərmi, 2 ədəd qumbara, 2 trotil şaşka, 1 ədəd fitil, 1191 ədəd müxtəlif çaplı güllə, 6 ədəd güllə darağı, 1 ədəd qılınc, 3 ədəd bıçaq, 1 ədəd portativ səsgücləndirici və ona aid 4 ədəd mikrofon, 38 ədəd dini məzmunlu plakat, dini ekstremizmi təbliğ edən 17 ədəd kitab və 20 ədəd disk aşkar edilərək götürülüb. Y.Ələkbərovun tutulması istiqamətində istintaq-əməliyyat tədbirləri davam etdirilir.Xatırladaq ki, partiyanın lideri Mövsüm Səmədov yanvarın 7-də terror aktı hazırlamaq ittihamı ilə həbs olunub. Onun əmisi oğlu, Quba rayon sakini Dəyanət Səmədovun və onun qaynı Firdovsi Məmmədrzayevin Quba şəhərində yaşadıqları ünvanlarda da axtarış keçirilib. Dəyanət Səmədovun yaşadığı mənzildə və həyətindəki yardımçı tikililərdə 2 ədəd "Kalaşnikov" avtomatı, 60 ədəd avtomat patronu, 20 ədəd "F-1" əl qumbarası və onlar üçün alışdırıcılar, avtomat silahı üçün 4 ədəd daraq tapılıb. Firdovsi Məmmədrzayevin evindən və həyətindəki istixanadan isə 10 ədəd "F-1" əl qumbarası və onlar üçün alışdırıcılar, 40 ədəd avtomat patronu və avtomat silahı üçün 1 ədəd daraq aşkar edilib götürülüb.Faktla əlaqədar Azərbaycan Respublikası Cinayət Məcəlləsinin 228-ci (qanunsuz olaraq odlu silah, döyüş sursatı əldə etmə və saxlama) maddəsi ilə başlanılmış cinayət işi üzrə Azərbaycan Respublikasının Prokurorluğunda istintaq aparılır.

SEÇİLMİŞ XƏBƏRLƏR

Çox oxunanlar