GünAzTv: İranın ali rəhbəri ayətulla Xamneyinin adından verilən göstərişə əsasən, ölkə üzrə ictimai şəbəkələrdən, o cümlədən «Twitter» və «Facebook»dan istifadə qadağan edilib.

2009-cu ilin prezident seçkisindən sonra yaranan müxalifət İslam Respublikası rəhbərinin  bu qərarına etiraz edib. Onlar «müxalifətə aid mikrobloqların işlmədəyini» bildirib.

İngiltərədə çıxan «Qardian» qəzetinin yaydığı xəbərə görə, məsələ ilə bağlı «yaşılların» lideri Mirhüseyn Musəvi bəyanat yayıb. Keçmiş baş naziri və prezidntliyə namizəd bildirib : «Əgər ictimai şəbəkələrə giriş yasaqdırsa, o zaman hakimiyyətin «Twitter»də nədən «akkaunt»u var?»

Xatırladaq ki, 2009-cu il dekabrın 31-dən M.Musəvinin «Twitter»dəki mikrobloqu yenilənməyib. Elə həmin tarixdən etibarən İranda bu şəbəkə qapadılıb. Çünki həmin il bu kimi şəbəkələr prezident seçksindən sonra baş vermiş etiraz aksiyaları haqda dünya ictimaiyyətinə məlumat yayırdı. Bu isə hakimiyyətin maraqlarını əks etdirmirdi. Ona görə də rəsmi Tehran çıxış yolunu belə informasiya vasitələrini qaptmaqda gördü.

Ötən bir il ərzində ölkə üzrə 5 milyon internnet-saytlar, eləcə də məşhur «bloqhostinq»lər və ictimai şəbəkələr qapadılıb. 2009-cu ilin yayındakı məlum olayları işıqlandırdığı üçün onlarla bloqer həbs olunub.

Qeyd edək ki, İran parlamentinin «Komissiya 10» (siyasi partiyaların fəaliyyətini tənzimləyən) qrupu siyasi partiyaların fəaliyyətini tənzimləmək məqsədi ilə «Facebook» və «Twitter» kimi sosial şəbəkədən belə qurumların istifadəsini yasaqlayan qanun layihəsini müzakirə edəcək.

İran  KİV-ə bu haqda komissiyanın başçısı Həmidrza Fulacar deyib.

Onun sözlərinə görə, İrandakı «yüngül savaş və özəl durumla» əlaqədar komissiya siyasi partiyalar haqqında qanunda bəzi dəyişikliklər etmək istəyir.

«Yumşaq savaş» ifadəsini 2009-cu ilin prezident seçkisindən sonra ölkə rəsmiləri və informasiya vasitələri tez-tez istifadə edir. Hakimiyyət bütün müxalifət və ona bağlı KİV-in fəaliyyətini «yumşaq savaş» adlandırır.

Baş verənlərdən göründüyü kimi İranda parlament və prezident daha çox marionet, formal qurumlardır. Çünki haqqında bəhs etdiyimiz ictimai şəbəkələrin yasaqlınması ilə bağlı qanun qəbul edilmədən, artıq ayətulla Xamneyinin adından verilən fərmanla həmin informasiya vasitələri ya tamamilə qapadılıb, ya da fəaliyyəti məhdudlaşdırılıb. Bundan başqa adı çəkilən şəbəkələrdən hakimiyyətin yararlanmasından belə çıxır ki, İslam Respublikasında «Ağlar üçün bütün qapılar açıqldır».Başqa sözlə, hakimiyyətdəkilər hələ də özlərini dünya malının əsas və dəyişməz yiyiəsi və «ağ» sayır. Sədrəddin Soltan