Mərhum Çingiz Bəxtavərin şübhəli ölümünün 1-ci il dönümü Lids şəhərində qeyd olunub

SON XƏBƏRLƏR

Mərhum Çingiz Bəxtavərin şübhəli ölümünün 1-ci il dönümü Lids şəhərində qeyd olunub

2021.10.20, 07:36

Gunaz.tv

GünAzTv: Azərbaycanın tanınmış milli-mədəni fəalı mərhum Çingiz Bəxtavərin şübhəli ölümündən 1 il keçir. Bununla bağlı İngiltərənin Lids şəhərində möhtəşəm ağırlama törəni keçirilib.

Törən Azər-Türk ocağının (ATAY) təşəbbüsü və azərbaycanlı fəalların iştirakı ilə keçirilib.

Tədbir iştirakçıları ilk öncə Azərbaycanın milli marşını oxuyub və dinləyib, sonra bir dəqiqəlik sükutla mərhum Çingiz Bəxtavər və digər şəhidlərimizin xatirəsini əzizləyiblər.

İrəlləyən dəqiqələrdə cənab İsa Türkoğlu ATAY tərəfindən birinci nəfər olaraq çıxış edib. O çıxışı zamanı cənab Bəxtavərin şübhəli olümünə toxunub və şəhid Əmani, Prof. Doktor Zehtabinin də ölümlərini bir növ siyasi qətl olduğunu bildirib. Cənab Türkoğlu azərbaycanlıların son 100 ildəki mübarizəsini yad edib, bu zəmində fəaliyyətlərinə görə hazırda həbsdə olan soydaşlarımızın azadlıqlarına çalışmalı olduğumuzu vurğulayıb.

Digər çıxış edənlərdən biridə cənab Məhəmməd Ənsari olub. cənab Ənsari mərhum Çingiz bəyin həyat hikayəsini qısa olaraq iştirakçılara xatırladıb.

Mərhum Bəxtavərin oğlu cənab Babək Bəxtavər isə atasının şübhəli ölümü barədə geniş məlumat verib.

Tədbirin irəlləmiş saatlarında Sara Sultani (Sulduzlu) ustad Şəhriyarın Heydər Babaya salam şeirini oxuyub və iştirakçıların geniş alqışına səbəb olub.

Cənab Fərhad Əmiri isə son çıxışçı kimi milli hərəkatın son illərdəki durumu və Hərəkatın doktor Zehtabi, doktor Fərzanə, doktor Heyət və ... tərəfindən aldığı ilhamdan söz açıb.

Ümumiyyətdə bütün çıxışçılar Mərhum Çingiz bəylə yanaşı ümumilikdə milli hərəkatın durumu və İranda millətimizin məruz qaldığı anti demokratik və anti türk siyasətindən söz açıblar.

GUNAZ.TV

SON XƏBƏRLƏR