GünAzTv: Zaman- zaman fürsət qapıb hakim beyinlərdən paytaxt və əyalət çevrələrinə, küçə və meydanlarına  daşınan rus millətçiliyi adi faşizm soyuğunun assosiyasını yaradır. İndi bu  soyuq təkcə Rusiyada yaşayan qeyri- rusları deyil, həm də dünyanı üşütməkdədir. Odur ki, dünya  insan məfkurəsinin yaratdığı belə qorxunc  fəlakətə biganə qala bilmir. Buna rəğmən rus ultramillətçiliyi dünyanın xəbər gündəmini məşğul mövzulardan birinə çevrilib. Məhz dekabr ayında Rusiya paytaxında və əyalətlərində ultrmillətçilərin yenidən  tam miqyasda güc və zorakılıq nümayişi ölkənin , regionun və həm də dünyanın gələcəyinə yaxşı heç nə vəd etmir. Ziyarətçilərimizin marağını nəzərə alaraq, BBC radiosunun “dünya mətbuatı nədən yazır” rubrikasında rus ultramillətçiliyi ilə bağlı hazırladığı materialı təqdim edirik

Böyük- Britaniyanın və ümumiyyətlə dünyanın nüfuzlu nəşrlərindən olan “Financial Times” “Moskovskiy Komsomolets” qəzetindəki statistikaya istinadən yazır ki, Moskvada alüminiumdan düzəldilmiş beysbol dəyənəklərinin satışı xeyli artıb. Beysbol topunu isə heç  alan da  yoxdur. Çünki bu dəyənəklər skinhedlərin və futbol xuliqanlarının sevimli silahına çevrilməkdədir. Moskvada baş vermiş özbaşınalıqları xatırlayan qəzet vurğulayır  ki, ultramillətçi dəstələr Rusiyada hakimiyyətin proleminə çevrilib. Hüquq-mühafizə orqanları onlarla mübarizəyə başlayıb. Daxili İşlər Nazirliyi son həftə içində 2000 nəfərədək adamın həbs edildiyini bildirib. Lakin qəribə burasıdır ki,  Kreml bu ultramillətçi güclərlə barışıq yolu tutub.Ötən həftə baş nazir Vladimir Putin Yeqor Sviridovun qəbrini ziyarət edib. Halbuki, onun ölümü Moskvada özbaşınalıqalra yol açmışdı. Putin, həmçinin, gəlmələrin qeydiyyata alınması qaydalarının dəyişdirilməsi təklfi ilə də çıxış edib.  Millətçiliyin populyarlığı artmaqdadır. Qəzet yaxınlarda keçirilmiş ictimai sorğuya əsaslanaraq yazır ki, rusiyalıların 55 faizi “Rusiya rusiyalılar üçündür” şüarını dəstəkləyir. Hələ Moskva özbaşınalıqlarından öncə idarə edilən millətçiliyin nəzarətdən çıxmağa başlaması məlum idi. “Financial Times” qeyd edir ki, rus ultramillətçiliyi Kremlin köməyi olmadan yarana bilməzdi. Analitiklər təsdiq edirlər ki, Putin hakimiyyətə gələndə  millətçilikdən siyasi konsoliidasiya naminə istifadə edib. Onun nitq və çıxışlarında əcnəbilərə inamsızlıq və hərbi vətənpərvərlik notları aşkar görünür. Məhz onun prezidentliyi dövründə “Naşi” kimi kütləvi gənclər hərakatı yaradılıb ki,  bu hərəkatın təmsilçiləri məhz futbol xuliqanları və skinhedləri sırasında daha fəaldırlar. Qəzet “Naşi" hərəkatının banisi, 2005-ci ildə hərəkat fəallarının Seliqerdəki toplanlantısında skinhedlərə öz sıralarına qatılmağa çağırış edən Vasiliy Yakemenkodan sitat gətirərək yazır:” Skinhedlər də bizlərdən biridir”. Qəzet qeyd edir ki, Moskva özbaşınalıqlarına qədər bəlli idi ki, millətçilik idarəolunandan özbaşınalığa gedir. Bu isə artıq rejimin özünü də təhdid etməkdədir. “Financial Times” Qeyri-leqal miqrasiyaya qarşı” hərəkatının fəallarından sayılan Anton Susovdan sitat gətirir. O deyir ki, “Gələcəkdə Putinin iki ssenarisi var :  Polşa senarisi, yəni rejimin hakimiyyətə sadəcə təslim edilməsi və Rumınya ssenarisi. O ,Çauşesku ola bilər”. “Slavyanskoy silı” hərakatında Vladimir Maksimov  ölkədəki  mövcud vəziyyəti  Almaniyanın ötən əsrin 30-cu illərindəki durumu ilə  müqaisə edir . Onun sözlərinə görə “Hitler yaxşı siyasətçi və yaxşı inzibatçı olub. İndi bizə hakimiyyətdə belə bir adam gərəkdir. İTV