Contact Us

SON XƏBƏRLƏR

Müsavat Partiyasına yeni başqan seçiləcək, Məclis sədri isə Arzu Səmədbəyli seçilib

2021.10.20, 07:36
Müsavat Partiyasına yeni başqan seçiləcək, Məclis sədri isə Arzu Səmədbəyli seçilib

Gunaz.tv

GünAzTv: "Partiyanın qurultayında mən namizəd olmayacam və yeni başqanı seçiləcək". Bu barədə Müsavat Partiyasının başqanı İsa Qəmbər Partiya Məclisinin iclasında çıxışı zamanı deyib."Buna heç kimin şübhəsi olmasın ki, yeni başqan seçiləcək. Müsavatda kifayət qədər səviyyəli, yetişmiş siyasətçilər var. Onların hər hansı biri qurultay tərəfindən seçiləcək və hamımız birlikdə yeni rəhbərliyə kömək edəcəyik ki, missiyanı davam etsin. Biz demokratik prosedurlara önəm veririk", – İsa Qəmbər əlavə edib.O bildirib ki, bir şəxsin iki dəfədən çox sədr seçilməməsi ideyası Müsavat partiyası tərəfindən irəli sürülmüş ideyadır:"Bu ideyanı biz gətirmişiq və bunu göstərəcəyik. Müsavat Azərbaycan siyasi meydanında nümunələr göstərəcək. Mən Müsavatın üzvü kimi qalacam və nə zamansa mənə ehtiyac olarsa öz məsləhətimi verəcəm".Müsavat başqanı öz çıxışı zamanı AXCP-Müsavat birliyi məsələsinə də aydınlıq gətirib."Bəzi qüvvələr deyirlər ki, Müsavat partiyası birləşmə ilə bağlı verdiyi sözün üstündə durmur. Mənim çıxışımın videoyazısı var. Müxtəlif saytlarda həmin video da yayınlanıb. Kim istəsə, mənim təklifimə həmin videolarda yenidən baxa bilər. Mən təklif etmişəm ki, Rəsulzadə-Elçibəy yolunda olan partiyalar birləşsin. Sadəcə olaraq bu fikrə ilk müsbət reaksiya AXCP tərəfindən gəlib. Mən həmin təklifimdə AXCP-ni də, KXCP-ni də və digər demokratik qüvvələri birliyə dəvət etmişəm", - Müsavat başqanı vurğulayıb.Partiya başqanı son vaxtlar partiyadan uzaqlaşan adamların partiyanı nüfuzdan salmağa çalışdıqlarını deyib:"Mən o insanlara məsləhət görərdim ki, partiyada olduqları müddətdə necə ləyaqətlə fəaliyyət göstəriblər elə də qalsınlar". /Trend/

 

Bu arada Müsavat Partiyası Məclisinin dekabrın 26-da keçirilən iclasında keçmiş deputat Arzu Səmədbəyli məclisin sədri seçilib. O, bu posta yeganə namizəd olub. Bu barədə AzadliqRadiosuna Müsavat Partiyası başqanının müavini Mehman Cavadoğlu məlumat verib. Onun sözlərinə görə, iclasda həmçinin Məclis və Divan üzvlüyünə də seçkilər keçirilib:“İkram İsrafil, Tofiq Yaqublu və Tural Abbaslı Müsavat Partiyası Divanına üzv seçiliblər. Bu seçkilərdə Müsavat Məclisində boş qalan 26 yerin 9-nun sahibi də müəyyənləşib”. Müsavat Partiyası Məclisinin keçmiş sədri Sülhəddin Əkbər bu yaxınlarda həmin postdan və partiya üzvlüyündən istefa verib.

SEÇİLMİŞ XƏBƏRLƏR

Çox oxunanlar