Ənvər Türkoğlu: Azərbaycan üçün İğdır nə deməkdir sualına, belə cavab verərdim: “Qardaş qapısı deməkdir”

SON XƏBƏRLƏR

Ənvər Türkoğlu: Azərbaycan üçün İğdır nə deməkdir sualına, belə cavab verərdim: “Qardaş qapısı deməkdir”

2021.10.20, 07:36

Gunaz.tv

GünAzTv mətbuat mərkəzinin növbəti müsahibi, Ankarada fəaliyyət göstərən İğdır Azərbaycanlıları Mədəniyyət Mərkəzinin başqanı, tanınmış yazar Ənvər Türkoğludur.

-Ənvər bəy, İlk sualımıza ondan başlayaq ki, Türkiyədə Azərbaycan diaspor fəaliyyəti lazım deyil fikrini bildirənlərə cavabınızı eşitmək maraqlı olardı...

-Türkiyədə Azərbaycan diasporu lazım deyil fikrini bildirənləri başa düşə bilmirəm. Azərbaycan diasporunun əsas fəaliyyəti Türkiyədə qurulmalıdır. Diaspor Azərbaycanla Türkiyə arasında mühüm rol oynayır. Çünki diaspor Azərbaycanla Türkiyə arasında körpü olub, bundan sonra da körpü olmağa davam etməlidir. Sənin olmadığın yeri başqaları tutacaq. Eyni zamanda, dünyanın hər yerində yaşayan soydaşlarımız təşkilatlanmalıdırlar və ortaq türk dünyasının vahid diasporu quruculuğunda da işləri sürətləndirmək lazımdır.

-Yəqin ki, ”Wikileaks”da Türkiyə və Azərbaycanla bağlı yer alan informasiyalardan məlumatlısınız. Türkiyə cəmiyyətində bu məsələyə münasibət necədir?

- Mənə görə, “Wikileaks” də yazılanlar Azərbaycanla Türkiyənin arasını pozmağa hesablanıb və bununla da Türkiyə-Ermənistan sərhədlərinin açılmasını sürətləndirməkdir. Bunun heç bir əsası yoxdur. Boş sözdən bir şey deyil. Wikileaks saytı bundan sonra da hansı bir sənədi yaysa, o iki qardaş ölkənin münasibətlərinə zərər gətirə bilməyəcək.

-2011-ci ildə Türkiyədə keçirilməsi gözlənilən parlament seçkilərində MHP-nin İğdır üzrə adayısınız. İndədən Sizə uğurlar arzu edirik. Bu gün İğdırda çoxlu sayda Azərbaycan türkü yaşamaqla yanaşı, eyni zamanda xeyli sayda kürdlər məskunlaşıb. Ümumiyyətlə, İğdırın Türkiyə üçün nə qədər strateji önəm daşıdığını bilirik. Bəs İqdır Azərbaycan üçün nə deməkdir?

-Bəli, MHP-nin İğdır üzrə millət vəkilliyinə namizədəm. Allah nəsib edərsə namizədliyim keçər. Bizim İğdırda yaşayan kürdlərlə hər hansı bir sorunumuz yoxdur. Əsas problemimiz separtçılığa, bölücülüyə qarşıdır. Sağlamfikirli bütün İğdır insanlarımızı qucaqlayacağıq. Konkret olaraq, Azərbaycan üçün İğdır nə deməkdir sualına, belə cavab verərdim: “Qardaş qapısı deməkdir”. Bu, sualın mənimçün cavabı budur.

-Millət Vəkili seçiləcəyiniz təqdirdə İğdırla bağlı hansı layihələri həyata keçirməyi düşünüsünüz?

-Üç dövlətlə sərhədi olan, yüksək istehsalı sənayesi olan və istehsal etdiyi məhsulları dünya bazarına çıxarmağa malik bir ticarət mərkəzinə çevrilməsi əsas istəklərimizdən biridir. Bu yolda əlimizdən nə gəlirsə, hərtərəfli çaba və səylərimizi gücləndirəcəyik.

Söhbətləşdi: Elnur Eltürk

GUNAZ.TV

SON XƏBƏRLƏR