GünAzTv: Tehran hakimiyyəti 11 ildir bu tikintini başa çatdıra bilmir.

Tehran hakimiyyətinin Güney Azərbaycana ögey münasibətinə dair çox saylı örnək olsa da İran rəhbərliyi hər dəfə Azərbaycan əyalətlərinə səfəri zamanı yalnız çeşidli vədlər verməklə işini bitmiş sayır.

Şərqi İran tikinti və nəqliyyat infrastrkturn inkişafı üzrə şirkətinin Azərbaycan əyalətindəki təmsilçisi Həmid Əli Məhəmmədzadə İRNA-ya müsahibəsində deyib ki, Təbriz-Miyana dəmiryolunun tikintisi xarici sərmayəçilərin iştirakı ilə başa çatdırılıcaq. 

Onun sözlərinə görə, ölkənin Ali İqtisadi Şurası bu layihənin gerçəkləşdirilməsi üçün xarici sərmayənin yatırımda iştirakını təmin etmək məqsədi ilə 740 milyon dollara yaxın vəsait ayırıb. Əcnəbi şirkətlərin bu laiyhədə iştirakı üçün yaxın gələcəkdə tender elan edilicək.

Tehran hakimiyyəti dünyaya car çəkib atom-nüvə sahəsində fəxrlə bəyanatlar verib, beynəlxalq ictimaiyyəti narahat etdiyi, bu öyndə tətbiq olunan sanksiyaların «ölkə iqtisadiyyatına təsirsiz ötüşdüyünü» bildirdiyi bir halda sözügedən layihə 10 ilə yaxındır maliyyə vəsaitinin çatışmazlığı ucbatından başa çatmır.

 Amma İslam Respublikası rəhbərliyinin əldə etdiyi bu «uğurların» arxasında ölkə əhalisinin yoxsullaşması, İran iqitsidaiyyatının böhrana sürüklənməsi, habelə ekoloji tarazılığın pozulmaı kimi fəsadların durduğu heç kimə sirr deyil.

Yerli müşahidəçilərin fikrincə, Tehran hakimiyyəti Azərbaycana belə münasibəti ilə onun bu gününü və sabahını, iqdisadiyyatını, ekologiyasını məhv etməyə çalışır. Onların fikrincə, paniranistlər və panfarsitlər İranın tərkinbindən Azərbaycanın çıxaması ehtimalının gec-tez gerçəkləşəcəyinin başa düşdüklərindən bu ərazini «xarabazara qoymaq istəyirlər».

Amerika və İsrailin İranı bombalayacğı barədə yayılmış xəbərlərə bəhanə edərək, Tehran hakimiyyəti «Azərbaycanda atom-nüvə proqramı istiqamətində fəaliyyət davam etdirlir»-deyə, əsas göstərərək, güneydə fəsadlar törədir.

Güney Azərbaycan ərazilərində radioaktiv maddələri tullantıları üçün quyular qazmaqdan ötrü vəsait və tikinti materialı tapan Tehran hakimiyyəti Azərbaycanın bir sıra əyatlərindəki inşaat işlərinin davam etidirmir.

İki il öncə  Təbriz-Miyana dəmiryol tikintisində inşaat işlərinin gedişatı barədə Şərqi Azərbaycan əyaləti icra hakimiyyətinin tikinti işləri üzrə müavini Məhəmməd Əşrəfniya İRNA-ya bildirmişdi ki, iki xətli Təbriz-Miyanan dəmiryol xətti tikintisinin başa çatması üçün 430 milyon dollara yaxın maliyyə vəsaiti lazımdır. Bu vəsaitin veriləcəyi təqdirdə üç idən sonra qeyd etdiyimiz istiqamətdə dəmiryolu xətti istismara verilə bilər.

Əşrəfniyanın sözlərinə görə, Miyana –Təbriz dəmiryolunun uzunluğu 183 kilometrdir.  Bu tikinti başa çatdığı halda Tehrandan Təbrizədək olan yol 114 kilometr qısalar, həmin yol isə 5,5 saat qət olunar. Əyalətin icra hakimiyyəti iki öncə İslam Respublikası hökumətinə Miyana-Tehran dəmiryol xəttinin çəkilməsi üçün də təkilflər paketi də təqdim edib.Hələ bu təklifdən bir xəbər yoxdur.

Yerli mütəxəssislər hesab edir ki, bu layihənin gerçəkləşdirməsi Şərqi Azərbaycan üçün həm də strateji mahiyyət daşıyır. Çünki həmin yol vasitəsi ilə əyalətin iki əsas mərkəzi , Təbrizlə Miyana arasında əlaqə yarana bilər.

Rəsmilər yen vəd verərək, bildirir ki,  yaxın perspektivdə Güney Azərbaycanın bu şəhərində ölkənin iri miqyaslı iqtisadi layihələrindən bir həyata keçirləcək. Bu şəhərdə qara və əlvan metallurgiya  , avtomobil sənayesi, kənd təsərrüfatı maşınqayırma  zavodlarının və s. sənaye müəssisələrinin tikiləcəyi planlaşdırılıb.

Xatıladaq ki, Miyana-Bostanova-Təbriz dəmiryol xəttinini tiknitisinə 2001-ci ildə başlanılıb. Amma maliyyə çatışmazlığı ucbatından işlər ləng gedib. Hazırda bütün işlərin 45 faizi görülüb. Mütəxəssislərin hesablamasına görə, bu layihəyə ildə 90 milyon dollara yaxın sərmayə qoyulmalıdır. Son iki ildə isə bu məbləğdən də az maliyyə vəsasiti ayrılıb.

Onu da yada salmaq istərdik ki, İran prezidenti Mahmud Əhmədinejadatın bu əyalətlərdə keçirdiyi hökumətin səyyar toplantıları zamanı bölgənin iqtisadi və s. İnkişafına diqqəti artıracağını boyun olmuşdu. 2006-cı ilin məlum may etiraz aksiyalarından sonra əlüstü Təbrizə səfər etmiş Əhmədinejad haqqında bəhs etdiyimiz tikintinin də adını çəkmişdi. İranda baş verənlərdən göründüyü kimi Azərbaycan əyalətləri İslam Respublikası rəhbərliyinin yadına işləri çətinə düşəndə, bir də seçkilər ərəfəsində yada düşür.

Sədrəddin Soltan