GünAzTv: "Wikileaks" internet saytının dünyanı, xüsusilə də Türkiyəni bir-birinə vuracaq açıqlamaları davam etməkdədir. Açıqlanan məxfi sənədlər təkcə ABŞ-ın (Amerika Birləşmiş Ştatları) Ankaradakı diplomatları tərəfindən Vaşinqtona göndərilmədiyi, eyni zamanda ABŞ Kəşfiyyat Orqanlarının Türkiyə, ABŞ və İngiltərədə də Rəcəb Tayyib Ərdoğana yaxınlığı ilə bilinən şəxsləri nəzarətdə saxladığı aşkara çıxır. Qeyd edək ki, eks-enerji naziri Əbdüllətif Şener saytın Türkiyə ilə bağlı bir-birindən maraqlı 8 açıqlamalar yayacığını ötən həftə bildirmişdi. Nəhayət, deyildiyi kimi də oldu və Ərdoğana yaxınlığı ilə bilinən, əsasən də baş nazirin gizli mühasibi və xəzinədarı kimi tanınan (İngiltərədə yaşayan) iş adamı Rəmzi Gürlə bağlı yeni bir açıqlama yayıldı.

Təkcə açıqlama deyil, eyni zamanda ABŞ kəşfiyyat orqanları tərəfindən R.Gürün, yəni Ərdoğanın mühasibinin Nuy-Yorkda Nəqşi-bəndi təriqətinin lideri Nazim Kıbrısi ilə görüşünün video görüntüsü də yayımlanıb. Biz də sizə bu görüşdə R.Gürün Nəqşi-bəndi təriqətinin lideri ilə nələrdən danışdığı və əsasən söhbətin nədən getdiyini təqdim edirik. Onu da vurğulayaq ki, bu video görüntü haqqında da saytda məlumatların yerləşdiriləcəyini bildiklərindən təriqət üzvləri R.Gürlə liderlərinin görüşünü internet saytlarına yerləşdiriblər. Yəni "qara məni basınca, mən qaranı basım".   Bütün dövlət orqanları ələ keçirilməlidir

R.Gür və N.Kıbrısinin ABŞ kəşfiyyat orqanlarının gizli çəkilişinə düşən səslərindən aydın görünür ki, Rəcəb Tayyib Ərdoğanın Sirtdən millət vəkili seçildiyi vaxt 9 may 2003-cü ilə təsadüf edir. Bu görüşdə Nəqşi-bəndi təriqətinin lideri ilkin olaraq fikrini 2003-cü ildə iqtidarın başında dayanan Abdulla Gül hökumətinə bəyanatı ilə başlayır. N.Kıbrısi bildirir ki, Türkiyədə bütün dövlət orqanlarının ələ keçirilməsi üçün iqtidardan təlimat gələcəyi təqdirdə təriqət üzvləri hərəkətə keçə bilərlər və bunun üçün hansısa bir problem də yoxdur. Bu açıqlama qarşısında R.Gür dövlətin ələ keçirlməsi yönündə sivil hərəkatın qarşısını kəsən qüvvənin Türkiyə Silahlı Qüvvələri olduğunu bildirir və Türk ordusundan təriqət liderinə şikayətlənir. N.Kıbrısi isə onun bu açıqlamasını yalnız və yalnız R.Gürün onun əlini öpməsindən sonra cavablandırır. Bildirir ki, ordu bizim düşmənimizdir və dövlətin bütün müvafiq qurumlarını ələ keçirəcəyi günə kimi zərərsizləşdirilməlidir: "Bunun üçün də ciddi iş görülməlidir. Ordu proseslər gedən zaman passiv olmayacaq. Biz çalışıb onları passiv vəziyyətdə saxlamalıyıq". Qeyd edək ki, elə deyildiyi kimi də oldu və bu gün Türkiyə Silahlı Qüvvələri ətrafında baş verən olayları xatırlamaq olar. 2003-cü ildə millət vəkili seçilən Rəcəb Tayyib Ərdoğana ardından Abdulla Gül baş nazir postunu təhvil verdi, bununla da Türkiyədə generalların həbsinə "yaşıl işıq" yandı. Yəni ilkin olaraq ordunu susdura bildilər. Bu işi görən zaman Silahlı Qüvvələrin Baş Qərargah rəisləri belə susduruldu (bir çoxuna təqaüdə ayrıldıqdan sonra görmədikləri şərait belə yaradıldı) Təriqət lideri bundan sonra vacib olanları bir-bir ard-arda sıralamağa başlayır. Gedən proseslərdə bu və ya hansısa bir ciddi vəziyyətin yaranacağı təqdirdə Şeyx nazim "B" planını belə təsvir edir : "Bizim şəxsin iqtidar olması üçün (Ərdoğan nəzərdə tutulur) Gül istefa verməlidir. Onun istefa verməsi vacibdir. Əgər istefa verməsə, bizə qarşı cəbhədə yer alarsa, o zaman onu baş nazir seçən millət vəkilləri bir-bir istefa verib hökumətin yıxılmasına rəvac versinlər. Bizimki hakimiyyətə mütləq gəlməlidir. Müxalif partiyalarda olanları da təlimatlandırın". Təriqət lideri daha sonra Türkiyədə Mustafa Kamal Atatürkün qurduğu dövlət və bu dövlətin Silahlı Qüvvələrinə ən son zərbəni vurmaq üçün ABŞ-ın İraqı işğal etməsinin vacib olduğunu bildirir. Bu açıqlamasında N.Kıbrısi Türkiyə dövlətinin nə qədər ömürünün qaldığı vaxtı da deyir. O qeyd edir ki, bu dövləti yıxdıqdan sonra iqtidara kimin gəlməsi onun üçün bir o qədər vacib deyil. Əsas məsələ Atatürkün qurduğu Cümhuriyyət dağılsın. Təriqət lideri R.Gürə bildirir ki, o bu günə kimi belə rəzil dövlətçilik ənənəsi olan bir ölkə görməyib və belə bir dövlətin qalması doğru deyil: "Çünki bu dövlət sağlam təməllər üzərində dayanmayıb". R.Gürün başı ilə deyilənləri "təsdiqləməsi" təriqət liderinə yaxışı təsir etidyindən o bir azda cuşa gəlir və sərsəmləmələrini davam etdirir. R.Gürə "Hacıbəy" deyə xitab edən təriqət lideri A.Güllə bağlı da fikirlər səsləndirir.   Abdulla Gül hökumətin möhürünü Ərdoğana təslim etməlidir

Abdulla Gülün təcili olaraq istefa verməsini tələb edən N.Kıbrısi Rəcəb Tayyib Ərdoğana R.Gür vasistəsilə mesajında əsl hədəfinin nə olduğunu da bəyan edir. Nəqşi-bəndi təriqətinin Şeyxi bildirir ki, Türkiyədə nurçular və nəqşi-bəndi təriqətinin dövləti ələ keçirməsi onlar üçün adi bir iş olacaq. Amma o daha çox dünyada söz sahibi olmaları üçün təriqətin böyüyməsini, dünyanı ələ keçirməsini vacib hesab edir: "Biz bunun üçün ilkin olaraq müsəlman və türkdilli dövlətlərdə təhsil ocaqlarına daha çox üstünlük verməliyik və məktəblər, liseylər açıb o ölkələrin təhsil sisteminə nəzarəti əlimizdə saxlamalıyıq". O qeyd edir ki, bütün bu işlərin həyata keçirilməsi üçün hansısa maddi sıxıntı ola bilmz. İstənilən qədər maliyyə ayırmağa imkanları var. Hətta Türkiyədə həyata keçiriləcək planlar üçün nə qədər vəsait tələb olunduğunu belə soruşur: "Sizə nə qədər qızıl lazımdır? Hacıbəy, hələlik sizə 40 min qızıl bəs edərmi?". Çəkilən görüntülərdən görmək olur ki, şeyxin bu açıqlaması qarşısında R.Gür əllərini bir-birinə vuraraq ovuşdurur, səslənən rəqəmə təşəkkürünü bildirmək üçün şeyxə bağlılığını göstərən hərəktə edir. Yəni şeyxin qarşısında təzim edir. Rəcəb Tayyib Ərdoğanın gizli xəzinədarı və mühasibi kimi tanınan R.Gür bu görüşdən sonra Londonda 2 milyon 600 min Funt-sterlinqə indi də yaşadığı Beynəlxalq Mülki Cəmiyyəti Dəstəkləmə və İnkişafetdirmə" cəmiyyəti üçün dördmərtəbəli bina alır. R.Gürlə R.T.Ərdoğan arasında olan münasibətlər və R.Gürün Ərdoğanın gizli xəzinədarı olması, onun Londondakı fəaliyyəti haqqında ötən saylarımızda bildirmişdik. Onu da qeyd etmişdik ki, adıçəkilən əmlak sonradan illik kirayəhaqqı 1 sterlinq dəyərində təriqətin mənsubları tərəfindən Londonda yaradılan Yunus Əmrə Türk Mədəniyyət Mərkəzinə icarəyə verilib. Qeyd edim ki, bu mərkəz nurçuların və Nəqşi-bəndi təriqətinin Londonda əsas mərkəzlərindən biridir və bu mərkəzdə yüksəksəviyyəli görüşlər, tədbirlər həyata keçirilir. A.Gül hökumətinin istefaya getməsinin ardından R.T.Ərdoğanın hakimiyyətə gəlməsi də göstərir ki, Ərdoğanın hakimiyyətə gəlməsi istiqamətində təkcə bir təriqətin deyil, bir neçə təriqətin xeyir-duasını Fətulla Gülən almalı olub. F.Gülənin Əhməd Necdət Sezərdən sonra dövlətin başına R.T.Ərdoğanı gətirə bilməməsi isə Türkiyədəki Atatürkçü qüvvələrin hələ də müəyyən qədər gücə sahib olmalarından, eyni zamanda Türkiyədə millətçi qüvvələrin, xüsusən də Atatürk milliyətçiliyinin önündə olan qüvvələrin var olmasından qaynaqlanıb. "Həftə-İçi"