Contact Us

SON XƏBƏRLƏR

İranda diktatura getdikcə artır

2021.10.20, 07:36
İranda diktatura getdikcə artır

Gunaz.tv

GünAzTv: İran müxaliflərinin lideri Mir Hüseyn Musəvi “yaşıl qələm” saytına müsahibəsində bildirib ki, İranda hakim cərəyan son 20 ildə hakimiyyəti vahidləşdirmək məqsədi ilə planlı siyasət aparır.

O bildirib ki, “son prezident seçkiləri yalnız məni və Kərubini siyasi səhnədən uzaqlaşdırmaq məqsədi daşımırdı, bəlkə, bütün siyasi rəqiblərin uzaqlaşdırılması və məhv edilməsi üçün əvvəlcədən yazılmış senari idi”. O bildirib ki, bunu seçkilərdən iki ay sonra başa düşüb. Musəvinin sözlərinə görə hakim qüvvələr bu plan üzərində 20 ildir ki, fəaliyyət göstərir və prezident seçkiləri bu planın sonuncu mərhələsi olub.

Musəvinin işarə etdiyi dövr (20 il) Xameneinin hakimiyyəti və rəhbərliyi dövrü əhatə edir. Seçkilərdən sonra Xamenei Tehranda cümə namazında bildirmişdi ki, Əhmədinejadın siyasi kursunu bəyənir və dəstəkləyir. Həmin cümə namazında rəhbər müxaliflərin etiraz aksiyalarına daha şiddətlı şəkildə reaksiya veriləcəyini bəyan etmiş və bunun məsuliyyətini isə müxalif qüvvələrin üzərinə atmışdı. 

Musəvi son müsahibəsində bildirib ki, son 20 ildə müxalif qüvvələr və hakimiyyəti tənqid edən ziyalılar fiziki şəkildə məhv olunub və ya siyasət səhnəsindən uzaqlaşdırılıb. O, bununla da İranın durumunu bir az “formal demokratiya ilə Şimali Koreyaya” oxşadıb. Musəvinin sözləri əslində İran hakimiyyətinin mahiyyətini açıqlayır. Amma hakimiyyət daxilində olan və vaxtı ilə bu hakimiyyətə xidmət edən bir insan kimi onun bu mövzunu gec də olsa başa düşməsi və açıqlaması düşündürücü haldır.

İnqilabdan sonra İranda İslam Respublikası yaradıldığı elan edildi. “Dini hakimiyyət” öncə digər dini siyasi qrupları, daha sonra isə sol, sağ və milli qrupları siyasi səhnədən uzaqlaşdırdı. Bu dövrün dəhşətli hadisələrini hələ İran xalqları unutmayıb. İnqilabdan sonra siyasi təmizləmə siyasəti indiyə qədər davam edir. Musəvi özü də bir zamanlar “təmizləyənlər” tərəfində olmuşdu. Lakin indiki hakim cərəyanla hakimiyyət bölgüsündə fikir ayrılıqları yarandığından müxalif sayılır və təmizləmə qurbanı olub. Araztm

SEÇİLMİŞ XƏBƏRLƏR

Çox oxunanlar