Ermənilər Zəngilanın adını dəyişib Gordaşen qoyublar

SON XƏBƏRLƏR

Ermənilər Zəngilanın adını dəyişib Gordaşen qoyublar

2021.10.20, 07:36

Gunaz.tv

GünAzTv: Yurdumuzda yaşayan ermənilər həm bacamızdan, həm də başımızdan tüstü çıxarır. Hələlik ki Zəngilanın sahibləri ermənilərin onların evlərində necə yaşadıqlarını televiziyadan izləyirlər.

Bəlli olduğu kimi dünən Azərbaycan, Rusiya və Ermənistan xarici işlər nazirləri görüşüb. Görüşdə Dağlıq Qarabağ münaqişəsinin həlli istiqamətində aparılan danışıqların hazırkı vəziyyəti müzakirə olunub. Ermənilərin işğal altında olan Zəngilan rayonunda məskunlaşdığını sübut edən sensasiyalı kadrlar da məhz bu ərəfədə yayılıb. Zəngilanın əsl sahibləri isə ermənilərin onların evlərində necə yaşadıqlarını televiziyadan izləməli olur.

O vaxt oktyabrın 29-u 1993-cü il idi. İndi isə dekabrın 9-u 2010-cu ildir. Əslində heç nə dəyişməyib. O zamandan ərşə çıxan zəngilanların fəryadı hələ də dinməyib. Sadəcə 17 illik bir məsafə yaranıb və nə yazıq ki, bu yolla da Zəngilana geri dönmək mümkün olmur. Ermənilərin işğal etdiyi Zəngilan rayonunda məskunlaşdığını sübut edən kadrlarda 17 ildən sonrakı Zəngilandır. Burada ilk gözə dəyən divarlardakı əyri-üyrü yazılardır. Bizə yalnız sülh dili ilə danışmağı diqtə edənlər nədənsə ermənilərin dili ilə bu divarlara yazılmış sözləri görmürlər.

Zəngilanlı məcburi köçkün Qanboy Rzayev deyir ki, ermənilər Zəngilanın adını çevirib Gordaşen qoyublar. İrəlidə dağılmış və xarabazara çevrilmiş evlər var. Amma bu xarabalıqlar arasından diqqəti cəlb edən həyatın qaynadığı üstü qırmızı kirəmitli evlərdir. O evlər ki, vaxtı ilə bizim olub. Yurdumuzda yaşayan ermənilər bununla təkcə bacamızdan, yox həm də başımızdan tüstü çıxarırlar. Həyat nişanələri də az deyil. Ermənilərin o həyətlərdə gəzişmələri, üst-üstə yığılmış qarğıdalı, toyuq-cücə səsləri, qulağını şəkləmiş it və ipdən asılan paltarlar. Amma bu insanlar biz deyilik. Bizim o torpaqlara nəinki ayağımız, heç yataqxanalarda doğulub, dağ havasında yox, daxmaların boğuq havasında böyüyən kəslərin zəngilanlıyam deməyəyə belə haqqı çatmır.

Zəngilanlı məcburi köçkün Səmayə Cəfərova Vətənində yaşamaq istədiyini deyir: “Hara deyirlər çıxaq, hara istəyirlər gedək vuruşaq, belə yaşamaq olmaz”.

Vaxtı ilə Zəngilanda ermənilər yalnız kişilərimizin aldığı qadınlardan ibarət idi. İndi isə kişilər də var. Bu nəinki ATƏT-in faktaraşdırıcı missiyasını, elə bizi düşündürmək üçün də kifayət qədər yetərli faktdır. ANS Press

GUNAZ.TV

SON XƏBƏRLƏR