İrandan qonşu dövlətlərə qanunsuz narkotik maddələr ixrac olunur

SON XƏBƏRLƏR

İrandan qonşu dövlətlərə qanunsuz narkotik maddələr ixrac olunur

2021.10.20, 07:36

Gunaz.tv

İrandan qonşu dövlətlərə qanunsuz narkotik maddələr ixrac olunur

GünazTV: İran bölgədə, eləcə də dünyada narkotik maddələrin idxalçısı kimi tanınmaqdadır. Vəziyyət o yerə çatıb ki, Məkkəyə ziyarət gedən iranlı “zəvvərlardan”da narkotik maddələr müsadirə edilir.İslam Respublikasının bu maddələrin ixracatçısı olmasını ölkədə ələ keçirilən narkotik maddələrin miqdarı da təsdiqləyir. Ötən il İran polisləri 430 ton qanunsuz narkotik maddə müsadirə ediblər. Bu haqda narkotik maddələrin qanunsuz dövriyyəsinə qarşı mübarizə qərargahının başçısı Əli Müəyyədi söyləyib. Onun sözlərinə görə, ələ keçirilmiş bu maddələr körfəzyanı dövlətlərdə satılmaq üçün nəzərdə tutulub. Məlumata əsasən, hər il İslam Respublikası narkotik maddələrin yayılmasına qarşı mübarizə üçün bir milyard dollara yaxın vəsait ayırır.Xatırladaq ki, bu günlərdə Səudiyyə Ərəbistanı Daxili İşlər Nazirliyi mətbuat xidmətinin məlumatına əsasən, son dörd ayda narkotik maddələrin qaçaqmalçılığı ilə məşğul olduqları üçün 681 nəfər həbs olunub. Onların 96-sı Səudiyyə Ərəbistanı krallığı təbəəsi, qalanları isə 33 başqa ölkənin vətəndaşıdır.“Onlar narkotik maddələrin qaçaqmalçılığı, yayılması və alınmasında şübhəli bilinirlər. Onlardan heroin, kokain və həşiş, eləcə də narkotik tərkibli həblər götürülüb. Bu narkotik maddələrin dəyəri 460 milyon dollardır. 4,4 milyon dollar pulu isə nağd olaraq ələ keçirmişik” - deyə, nazirliyin təmsilçisi polis generalı Məsud əl-Türkü bildirib. Polisin apardığı 4 aylıq kampaniya zamanı 20 polis işçisi yaralanıb. Bu zaman 10,6 ton həşiş, 6,3 kiloqram heroin, 1,69 kq kokain, eləcə də 13 milyon narkotik həb müsadirə edilib. Polis generalının sözlərinə görə, qanunsuz narkotik maddələr krallığa əsasən, Yəmənlə sərhəd bölgələrdən daşınır. Əməliyyat zamanı qaçaqmalçılar təyyarə və ağır silahlardan da istifadə edib.Nazirliyin təmsilçisi deyib ki, bu cinayətə zəvvarlar da qatılır. Onun sözlərinə görə, müttəhimlərin hamısı, o cümlədən İran və Suriya vətəndaşları məhkəmədə qanunun bütün sərtliyi ilə cəzalandırılacaq. Bu isə o deməkdir ki, qaçaqmalçıları edam gözləyir.

S.B

GUNAZ.TV

SON XƏBƏRLƏR