Contact Us

SON XƏBƏRLƏR

Erməni politolqları: Ermənistan müstəqillyini tam itirdi

2021.10.20, 07:36
Erməni politolqları: Ermənistan müstəqillyini tam itirdi

Gunaz.tv

GünAzTv: Ermənistanın müstəqilliyini təmin edən 102-ci Rusiya hərbi bazası eyni zamanda respublikanı hədəfə çevirib. Bu fikri Yerevanda keçirilən dünənki mətbuat konfransında türkoloq Akop Çakryan bildirib.Onun sözlərinə görə, Ermənistan elə bir vəziyyətə düşüb ki, öz müstəqilliyinin təmin edilməsi ilə bağlı sərbəst qərar qəbul etmək iqtidarında deyil.Çakryanın fikrincə, bu, yeganə haldır ki, bir ölkənin milli təhlükəsizliyinin təmin edilməsi sistemi bütünlüklə digər bir ölkənin əlindədir. «Rusiya bazasının səlahiyyətlərinin genişləndirilməsinə bütün müdafiə sisteminin başqa ölkənin əlinə verilməsindən başqa ad vermək olmaz. Ölkəmiz elə bir vəziyyətdədir ki, kənardan qəbul edilən qərarla razılaşmağa məcburdur, özü sərbəst xarici siyasət həyata keçirməyə qadir deyil», deyə o qeyd edib.Akopyan həmçinin bazanın ölkə ərazisində qalması müddətinin 49 il uzadılması ilə bağlı narazılığını ifadə edib. Onun fikrincə, erməni cəmiyyəti hakimiyyətdən müqavilə müddətinin uzadılması zərurəti ilə bağlı aydın cavab, izahat tələb etməlidir.Digər bir Ermənistan politoloqu – Ruben Akopyan mətbuat konfransında strateji əməkdaşlıq haqqında Azərbaycan-Türkiyə müqaviləsini və Ermənistanda Rusiya hərbi bazasının statusunun genişləndirilməsini şərh edərkən bildirib ki, Cənubi Qafqaz bloklararası qarşıdurma meydanına çevrilir. Akopyan əmindir ki, yeni hərbiləşdirmə mütləq Cənubi Qafqazda vəziyyəti gərginləşdirəcək. «Bu gün regionda hazırki status-kvonun davam edəcəyinə zəmanət yoxdur, divardan asılı qalan silahlardan bir gün mütləq atəş açılacaq», deyə o bildirib.Azərbaycana S-300 ZRK satıldığı halda Ermənistan KTMT-yə üzvlüyü məsələsini qaldırmalıdır, «İrs» müxalifət partiyasının parlament fraksiyasının rəhbəri Stepan Safaryan belə hesab edir.Onun sözlərinə görə, adı çəkilən komplekslərin satılması Azərbaycanı gücləndirir, onun möhkəmliyini artırır ki, bu da regionda status-kvonun pozulmasına gətirib çıxara bilər. «Ermənistanın strateji müttəfiqi buna şərait yaradırsa, Ermənistanın bundan sonra KTMT-də üzvlüyü əhəmiyyətsizdir», deyə o qeyd edib.Safaryan əmindir ki, Rusiya bu addımla Ermənistanın müdafiə sistemini devalvasiya edəcək ki, bu da Yerevan və Moskvanın strateji ittifaqının tələblərinə uyğun deyil.Ermənistanın bir sıra analitikləri və ekspertləri əmindirlər ki, Dmitrii Medvedev sentyabrda Bakıya gözlənilən səfəri zamanı Azərbaycana növbəti «hədiyyələr» təqdim edəcək ki, bu da Ermənistanı daha mürəkkəb vəziyyətə salacaq.

SEÇİLMİŞ XƏBƏRLƏR

Çox oxunanlar