GünAzTv: Reportaj Xocalı faciəsini dünyaya çatdıran jurnalistin çəkdiyi kadrlar üzərində qurulub.

Bu həftə sonu, Milli Qəhrəman Çingiz Mustafayevin 50 illik yubileyi günlərində ABŞ-ın nüfuzlu CNN İnternational telekanalı cəsarətli reportyorun həyat və ölümü, habelə onun lentə aldığı Xocalı faciəsinə dair reportaj yayımlayacaq.

GünAzTv mətbuat mərkəzinin ANS PRESS-ə istinadən yaydığı məlumata görə,  məlumatına görə, reportajda günahsız Xocalı sakinləri - yüzlərlə körpə, uşaq və yaşlı mülki əhalinin sırf milli mənsubiyyətə görə vəhşicəsinə öldürülməsi öz əksini tapıb. Reportajın müəllifi və aparıcısı jurnalist Sevinc Osmanqızı onun hazırlanması prosesi barədə bunları deyib: “Ölümündən 18 il keçsə də, Çingiz Mustafayev barədə çəkilən heç bir kadr onun özünün çəkdiklərini üstələyə bilmir. Bu kadrlarda o, öz sözünü deyib. Bu, telejurnalistika tarixində nadir haldır ki, reportyorun öz kamerası onun öz ölümünü belə lentə alsın. Onun həyatı, doğrudan da, bir qəhrəmanlıq salnaməsidir.” ANS Televiziyasında hazırlanan reportajın böyük hissəsi Çingiz Mustafayevin özünün çəkdiyi video materiallardan ibarətdir. Sevinc Osmanqızı süjetin Çingiz Mustafayevin yubiley günlərində CNN auditoriyasına təqdim olunmasında rəmzi məna gördüyünü deyib: “Çingiz Mustafayev Vətənini ehtirasla sevən, ondan ötrü həyatda sözün əsl mənasında hər şeyi, həyatını belə risq edən qorxmaz insan idi. O, Vətənində baş verənləri böyük ürək ağrısı ilə lentə alırdı ki, dünya ictimaiyyəti bu həqiqətlərdən xəbərdar olsun. Məncə, bu, özü də bir rəmzi göstəricidir ki, 50 illik yubiley günlərində onun xatirəsini yad edən təkcə həmvətənləri deyil, çoxmilyonlu dünya auditoriyası olacaq. Bu, məni çox sevindirir".Çingiz Mustafayev və Xocalı faciəsinə həsr olunan reportaj CNN-in ən qocaman və populyar xəbər verilişlərindən olan “World View” proqramında 4 gün ərzində 5 dəfə nümayiş olunacaq. CNN İnternational ABŞ-ın Atlanta şəhərində yerləşən mərkəzindən 23 peyk vasitəsilə dünyanın 212-dən artıq ölkə və ərazisinə, təqribən 800 milyon auditoriyaya yayımlanır. Azərbaycandan olan reportajı aşağıdakı gün və saatlarda CNN İnternational kanalında izləmək olar:28 avqust, şənbə:05:30 GMT, Bakı vaxtı ilə saat 10:3013:30 GMT, Bakı vaxtı ilə saat 18:3029 avqust, bazar günü:01:30 GMT, Bakı vaxtı ilə saat 06:3030 avqust, bazar ertəsi:08:30 GMT, Bakı vaxtı ilə saat 13:3031 avqust, çərşənbə axşamı03:30 GMT, Bakı vaxtı ilə saat 08:30 İnternet və CNN Mobildə:Reportajı aşağıdakı gün və saatlarda İnternetdə http://cnn.com/video Canlı Video rejimində izləmək olar: Şənbə: 17:00 GMT, Bakı vaxtı ilə saat 22:00Bazar günü: 13:30 GMT, Bakı vaxtı ilə saat 18:30Bazar ertəsi: yalnız CNN Mobildə: 06:30 GMT, Bakı vaxtı ilə 11:30Çərşənbə axşamı: 03:00 GMT, Bakı vaxtı ilə saat 08:00Cümə axşamı: 02:30 GMT, Bakı vaxtı ilə saat 07:30Azərbaycandan olan süjeti avqustun 30-dan başlayaraq, həmçinin http://www.cnn.com/worldview saytından da izləmək olacaq.