Rusiya-Ermənistan arasında imzalanan müqavilələr İrəvanda da bir mənalı qəbul olunmur

SON XƏBƏRLƏR

Rusiya-Ermənistan arasında imzalanan müqavilələr İrəvanda da bir mənalı qəbul olunmur

2021.10.20, 07:36

Gunaz.tv

GünAzTv: "Rusiya əmin olsa ki, Dağlıq Qarabağ münaqişəsində status-kvanun dəyişməsi Azərbaycanı Rusiyaya yaxınlaşdıracaq, o zaman Moskva bu addımı mütləq atacaq". Bu sözləri Ermənistan parlamentinin sabiq vitse-spikeri Karapet Rubinyan deyib.Rusiya ilə Ermənistan arasında imzalanan müqavilələr, rəsmi İrəvanın genişmiqyaslı piar kampaniyasına rəğmən təcavüzkar ölkədə təhlükəsizliklə bağlı narahatlıqlara son qoymayıb. Ermənistan parlamentinin sabiq vitse-spikeri Karapet Rubinyan dünən keçirdiyi mətbuat konfransında Moskvanın son addımlarının təhlükli olduğunu bəyanlayıb: "Rusiya ilə möhkəm qucaqlaşmaq günlərin birində Ermənistan üçün ölümcül nəticə verə bilər. Kreml Ermənistanla istər Kollektiv Təhlükəsizlik Müqaviləsi Təşkilatı (KTMT) çərçivəsində, istərsə də ikitərəfli münasibətlərinin özünün imperiya hədəflərinin perspektivləri üzərində qurur. Rusiya ilə Ermənistanın münasibətlərini alyans deyil, mezalyans adlandırmaq lazımdır ("Mezalyans" zadəgan cəmiyyətində yüksək təbəqəyə aid şəxsin aşağı zümrədən olan birisi ilə nikahına deyilir. Adətən belə nikahlarda ikincilər heç bir hüquqa malik olmurlar - A.). Mezalyansın ən yüksək təzahürü Dmitri Medvedyevin səfəri çərçivəsində ona göstərilən ifrat yaltaqlıq jestlərində, ziyafətlərdəki nökərçilikdə açıq şəkildə nəzərə çarpdı". Rubinyanın qənaətinə görə, imzalanan müqavilələr yalnız Rusiyaya üstünlüklər vəd edir və Ermənistanı "qapazaltı"na çevirir: "Mən qətiyyən şübhə etmirəm ki, əgər Azərbaycan da Rusiya ilə münasibətlərinin yaxşılaşdırılması üçün müvafiq addımlar atarsa, o zaman Moskva Qarabağ münaqişəsində status-kvonun dəyişməsinə təsir göstərə bilər. Əgər Rusiya əmin olsa ki, Dağlıq Qarabağ münaqişəsində status-kvonun dəyişməsi Azərbaycanı Rusiyaya yaxınlaşdıracaq, o zaman Moskva bu addımı mütləq atacaq".Ermənistanın "Ayos aşxar" qəzeti də Rusiya ilə imzalan müqavilələrin yalnız Moskvanın maraqlarına xidmət etdiyini yazır. Qəzetin qənaətinə görə, Cənubi Qafqazda ABŞ-ın siyasi aktivliyi azaldıqca, Rusiya Ermənistanda yararlanmaqla Azərbaycanı öz tərəfinə çəkməyə çalışır.Rusiya-Ermənistan münasibətlərində nəzərə çarpan son proseslərlə bağlı daha bir maraqlı yanaşma İspaniya mətbuatında yer alıb. İspaniyanın "Eurasia Review" qəzetinin siyasi icmalçısı Maykl Xikari Sesayr Rusiya ilə Ermənistan arasında imzalanmış müqavilələrin Moskvanın Cənubi Qafqazdakı maraqlarının möhkəmləndirilməsinə xidmət etdiyini yazır. Onun qənaətinə görə, Rusiya Ermənistanın köhnə himayədarı olsa da, Kremlin uzunmüddətli ixrac kəmərləri siyasətində Azərbaycan daha önəmli yer tutur.

GUNAZ.TV

SON XƏBƏRLƏR