İran prezidenti düşmən ordusunu çox zəif hesab edir

SON XƏBƏRLƏR

İran prezidenti düşmən ordusunu çox zəif hesab edir

2021.10.20, 07:36

Gunaz.tv

GünAzTv: İran prezidenti Mahmud Əhmədinejad İsrailin hərbi müstəvidə İrana qarşı çıxmaq üçün çox zəif olduğunu bəyan edib.

O, Əl-Cəzirə telekanalına verdiyi müsahibədə İsrailin İrana hücum ehtimalının uzaq olduğunu dilə gətirərək «İsrailin bunu etmək üçün cəsarəti yoxdur və bu təhdidin ciddi olduğunu düşünmürəm» deyə İsraildən İrana qarşı hərbi zərbə ehtimalını ələ salıb.

İran prezidenti «ABŞ-ın (Amerika Birləşmiş Ştatları) da İranla hərbi qarşıdurmaya girişməsinin bu ölkəyə fayda gətirməyəcəyini, körfəz ölkələrinin İrana hücum başlatmaq üçün Amerika bazalarından istifadə edilməsinə icazə verməyəcəyini» ifadə edib. Əhmədinejad İrana hücum halında «qərarlı bir cavab» veriləcəyini deyib. O həmçinin ABŞ-ın hərbi gücünü də ələ salmağı unutmayıb. İranın dövlət başçısı «İraqın kiçik ordusunu belə məğlub edə bilməyən ABŞ-ın onların nüvə təsisatlarına qarşı mümkün hücumundan qorxmadıqlarını söyləyib: «İraqda kiçik bir ordu tərəfindən yenilən amerikalıların İran ordusu kimi böyük və təhsilli bir ordu ilə döyüşə girə biləcəyinə inanırsınızmı?». Bununla belə, o, ABŞ-a dostluq münasibətləri təklif edib. Qeyd edək ki, Əhmədinejadın müsahibəsi Buşəhr AES-in işə salınmasından bir gün sonraya təsadüf edib. Beynəlxalq ictimaiyyət məhz AES işə düşməzdən əvvəl İsrailin bu obyekti yerlə-yeksan edəcəyini gözləsə də, Yerusəlimin buna cürət etməyəcəyini düşünən müşahidəçilər haqlı çıxdı. Bir müddət əvvəl rəsmi Tehran mümkün ABŞ və İsrail hücumlarına qarşı bütün imkanlardan istifadə edilərək cavab veriləcəyini, bölgədəki Amerika bazaları və İsrailin bütün nöqtəsinin hədəfə alınmasının da bu cavaba daxil olduğunu bildirmişdi.

GUNAZ.TV

SON XƏBƏRLƏR