Contact Us

SON XƏBƏRLƏR

“Bank Melli İran”ın filialına sanksiya tətbiq edildi

2021.10.20, 07:36
“Bank Melli İran”ın filialına sanksiya tətbiq edildi

Gunaz.tv

GünAzTv: Bakıda fəaliyyət göstərən İran bankı ABŞ-ın (Amerika Birləşmiş Ştatları) bu ölkəyə qarşı tətbiq etdiyi maliyyə sanksiyalarının təsiri altına düşüb.

Bu barədə Birləşmiş Ştatların Maliyyə Nazirliyinin Xarici Maliyyə Əməliyyatlarına Nəzarət Ofisi (Office of Foreign Assets Control (“OFAC”) tərəfindən yayılan rəsmi məlumatda deyilir.

Məlumatda ABŞ-ın sanksiyalarının təsiri altına düşən İran banklarının və maliyyə qurumlarının adları, yerləşdikləri ünvanlar və digər informasiyalar da yer alır. Sanksiyaların təsiri altında olan İran banklarından biri də “Bank Melli İran”dır. ABŞ hökuməti təkcə bu bankın özünə qarşı deyil, onun xarici ölkələrdə, o cümlədən Bakıda fəaliyyət göstərən filiallarına qarşı da sanksiyaların tətbiq edildiyini açıqlayıb. OFAC “Bank Melli İran”ın Bakıda yerləşən filialının hüquqi ünvanını da göstərib. Sözügedən Bankın Rusiyada, Türkiyədə, Honq-Konqda yerləşən filialları da sanksiyaların təsiri altındadır. Birləşmiş Ştatların Maliyyə Nazirliyi bildirir ki, həmin bank İranın nüvə proqramlarının və İnqilab Keşikçiləri Qvardiyasının maliyyələşdirilməsi üzrə əməliyyatları yerinə yetirən əsas maliyyə qurumlarından biridir. Sanksiyalara görə, İran banklarının və onların filiallarının ABŞ banklarındakı bütün aktivlərinə həbs qoyulur, həmçinin Amerika vətəndaşlarına və şirkətlərinə bu bankla hər hansı əməkdaşlıq qadağan edilir.

SEÇİLMİŞ XƏBƏRLƏR

Çox oxunanlar