İraqı tərk edən Amerika hərbi texnikasının əksər hissəsi Küveytə istiqamət alıb

SON XƏBƏRLƏR

İraqı tərk edən Amerika hərbi texnikasının əksər hissəsi Küveytə istiqamət alıb

2021.10.20, 07:36

Gunaz.tv

GünAzTv: Amerika Birləşmiş Ştatlarının İraqdakı son ordu birləşmələri əvvəlcədən təyin olunan təqvimdən təxminən iki həftə əvvəl İraqdan ayrılır. Bu birləşmələr və 40 min nəfərdən ibarət briqada prezident Barak Obamanın avqust ayının sonuna qədər döyüş əməliyyatlarına son verməyə dair yürütdüyü siyasət çərçivəsində ölkədən çıxarılır.

GünAzTv mətbuat mərkəzinin “Bizim Yol”-a istinadən yaydığı məlumata görə, Srağagün gecəyarısı briqadaya məxsus texnikanın əksər hissəsi sərhədə doğru hərəkət edərək Küveytə istiqamət alıb. Amerika ordusunun bu səfəri həftələr boyunca diqqətlə planlaşdırdığı bildirilir. Amma Pentaqon hələ İraqda döyüş əməliyyatlarının sona çatdığını təsdiqləməyib. Təxminən 56 min Amerika əsgəri isə ilin sonuna qədər İraqda qalacaq. Amerika qüvvələri İraq ordusuna məsləhətlər verəcək və ABŞ-ın (Amerika Birləşmiş Ştatlarının) İraqda maraqlarını qoruyacaq. Bu əsgərlər yalnız özlərini müdafiə etmək üçün və ya İraq səlahiyyətlilərinin xüsusi tələbi əsasında hərəkətə gələcək. İraqdakı Amerika döyüş qüvvələrinin geri çəkilməsilə ABŞ prezidenti Barak Obama verdiyi vədə əməl etmiş olur. Obama daha əvvəl verdiyi açıqlamada ABŞ-ın İraqa yardımının artıq hərbi səylərə deyil, vətəndaş səylərinə yönələcəyini və bu istiqamətdə səylərə də Amerika diplomatların rəhbərlik edəcəyini ifadə etmişdi. ABŞ dövlət katibinin köməkçisi Filip Krouli isə son proseslərlə bağlı MSNBC televiziyasına verdiyi açıqlamada ölkəsinin İraqda sabitliyin təmin edilməsi istiqamətində öhdəliklərinin qaldığını bildirib. O, İraqda həyatlarını itirən 4415 Amerika əsgərinin xatirəsini də şərəflə yad edəcəklərini vurğulayıb.

GUNAZ.TV

SON XƏBƏRLƏR