Contact Us

SON XƏBƏRLƏR

Rəsmi Moskva Azərbaycana S-300 satdığını təsdiqlədi

2021.10.20, 07:36
Rəsmi Moskva Azərbaycana S-300 satdığını təsdiqlədi

Gunaz.tv

GünAzTv: Bakıya satılan həmin raketlər müdafiə xarakterlidir, bölgədə balansı poza bilməz. Bu sözləri Rusiyanın xarici işlər naziri Sergey Lavrov deyib.«Rusiya beynəlxalq konvensiyalara uyğun olaraq, silah istəyən istənilən ölkəyə silah sata bilir. Bunun üçün bütün normativlər və qaydalar gözlənilir. O ölkələrə silah satılır ki, həmin regionda balans dəyişməsin. Azərbaycana da həmçinin bu prinsiplər çərçivəsində S-300 raketləri satılıb». GünAzTv mətbuat mərkəzinin “TİA.AZ”-a istinadən yaydığı məlumata görə,  bu sözləri Rusiyanın xarici işlər naziri Sergey Lavrov Ermənistanın Birinci Kanalına verdiyi müsahibəsində deyib.Nazir deyib ki, burada söhbət hücum deyil, müdafiə silahlarından gedir. Onun sözlərinə görə, həmin silahlar beynəlxalq müqavilələrə əsasən satıla bilər. «Mən burada bölgədə stabilliyi poza biləcək heç bir səbəb görmürəm. Müdafiə xarakterli silahlar bölgələrdə sabitliyi poza bilməz. Bu yalnız hücum silahları üçün nəzərdə tutulan faktordur».Rusiya xarici siyasət idarəsinin rəhbəri daha sonra deyib ki, S-300 raketləri ilə bağlı əvvəlcə İran, daha sonra isə Azərbaycana satılması ilə əlaqədar səs-küy qopub. «Gəlin yaddan çıxarmayaq ki, S-300 raketləri hansı xarakterli silahdır. Bu müdafiə xarakterli raketlərdir və hər bir ölkə öz ərazisini qorumaq üçün bundan yararlana bilər».

SEÇİLMİŞ XƏBƏRLƏR

Çox oxunanlar