İranın Ermənistanda həyata keçirdiyi layihələrə 2011-ci ildən start veriləcək

SON XƏBƏRLƏR

İranın Ermənistanda həyata keçirdiyi layihələrə 2011-ci ildən start veriləcək

2021.10.20, 07:36

Gunaz.tv

GünAzTv: İran hökuməti Ermənistanın enerji sektoruna 680 milyon dollarlıq sərmayə yatıracaq. Bu barədə keçirdiyi mətbuat konfransında Ermənistanın enerji naziri Armen Movsisyan bəyan edib.

O, deyib ki, İranla birgə həyata keçirilən enerji layihələrinin əsas məqsədi ölkəsinin enerji təhlükəsizliyinin təmin edilməsidir. Onun sözlərinə görə, İranın Ermənistanda həyata keçirdiyi layihələrə 2011-ci ildən start veriləcək. Meğri Su Elektrik Stansiyasının tikintisi İran tərəfinin maliyyə vəsaitləri hesabına həyata keçiriləcəyi deyən erməni nazir layihənin dəyərinin təxminən 350 milyon ABŞ (Amerika Birləşmiş Ştatları) dolları təşkil etdiyini bildirib. Bu vəsaitlər sonradan İrana elektrik enerjisi şəklində qaytarılacaq. İnşaat işlərini isə İranın “Farab Separat” şirkəti aparacaq. Erməni nazir həmçinin qeyd edib ki, ümumi dəyəri 100-105 milyon avro olan yeni ötürücü şəbəkənin tikintisi də planlaşdırır. Bu layihə isə İranın “Sanir” şirkəti tərəfindən reallaşdırılacaq. Ermənistanın İranla birgə həyata keçiricəyi enerji layihələrindən biri də ümumi dəyəri 160-180 milyon ABŞ dolları olan neft kəmərinin inşasıdır. Daha öncə aparılan danışıqlarda layihənin 50 faizinin İran, digər yarısının isə Ermənistan tərəfindən maliyyələşdirilməsi nəzərdə tutulsa da, lakin sonradan layihənin tamamilə İran tərəfindən maliyyələşdirilməsi, neft kəməri işə düşəndən sonra isə əldə olunacaq gəlirin 50 faizinin Ermənistrana verilməsi barədə razılıq əldə olunub.

A.Movsisyan inşa ediləcək kəmər vasitəsilə İrandan Ermənistana benzin və dizel yanacağı ixrac ediləcəyini bildirib. Onun sözlərinə görə, sözügedən neft məhsulları Ermənistana Fars körfəzi tariflərilə veriləcək. itv

GUNAZ.TV

SON XƏBƏRLƏR