GünAzTv: Britaniyanın Guardian qəzeti dünən ki, nömrəsində  Səkinə Məhəmmədlinin İran televiziyasında çərşənbə günü yayımlanan müsahibəsi haqqında nəşretdiyi geniş məqalədə Təbrizdə daha iki qadının da eyni və ya oxşar ittihamlarla edama məhkum edildiklərini yazıb.

Məqalədə deyilir ki, 43 yaşlı, iki uşaqa anası Səkinə Məhəmmədi Aştianin daşqalaq edilərək edam olunması hökmünün yerinə yetirilməsi barədə atılan addımların beynəlxalq sahədə səbəb olduğu etirazlardan sonra  İran eyni yolla edam olunmağı gözləyən başqa vətəndaşlara oxunmuş hökümləri də sakitcə dəyişdirməyə başlayıb

Guardian-da yazılıb ki, daşqalaq yoluyla edam  hökmü oxunmuş İranlılardan biri, altı aylıq hamilə olan 25 yaşlı Məryəm Qurbanzadə bu həftə Təbriz xəbsxanasında döyülməsi nəticəsində uşaq salıb. İran qanunlarına görə hamiləlik zamanı edam cəzası yerinə yetirilə bilməz.  Ərinə xəyanətdə ittiham olunan xanım Qurbanzadə haqqında İran məhkəməsi  daşqalaq yoluyla edam hökmü oxuyub. Onun haqqındakı hökm sürətli bir nəzərdən keçirmə prosesindən sonra asılaraq edam olaraq dəyişdirilib. Guardian yazır ki, hökmün dəyişdirilməsi barədə qərarın İranın bu vəhşicəsinə cəza metoduna görə beynəlxalq sahədə bir daha məhkum olunmaqdan boyun qaçırdmaq səylərinin nəticəsi olduğu irəli sürülür.

Səkinə Məhəmmədi və Məryəm Qurbanzadənin vəkili olan Houtan Kianın təmsil etdiyi və edama məhkum olan başqa bir qadın isə 19 yaşlı Azər Bəğhəridir. Guardinan qəzetinin yazdığına görə o 15 yaşı olanda əri tərəfindən xəyanətdə ittiham ediləndən sonra dörd il əvvəl ona edam hökmü oxunub. Onun edam hökmü azyaşlı olduğuna görə İran qanunlarına əsasən o zamanda yerinə yetirilməyib.

Bu arada  Bermingam Star qəzeti ABŞ Dövlət katibi Hillari Klintonun İranı bütün edamları dayandırmağa çağırdığını yazıb. Qəzetin xəbərində deyilir ki, xanım Klinton Səkinə Məhəmmədiyə edam hökmünü məhkum edib. O  İranda  edamların adi hall aldığını, nəzarət altında işkəncə və ölümlərin isə tez tez  baş verdiyini söyləyib. Qəzetin xəbərinə görə ABŞ Dövlət Katibi İranda insanların təkcə söz azadlığı hüququndan istifadə etdiklərinə görə edam cəzası ilə üz üzə qaldıqları məhkəmə işlərinin mövcud olduğunu deyib. 

Xatırladaq ki, İranın dövlət televiziyası daşqalaq cəzasına məhkum edilmiş Səkinə Məhəmmədi Aştianinin ərinin ölümündən sonra iki kişi ilə cinsi əlaqədə olduğunu etiraf edən müsahibəsini dünən nümayiş etdirib. Müsahibə zamanı o, ərinin əmisi oğlu ilə əlaqədə olduğunu və onunla ərini öldürmək barədə söhbət apardığını deyib. Bundan əvvəl xanım Əştiani ona qarşı irəli sürülən ittihamları danırdı. O, eləcə də, onun işi ilə bağlı məsələni ictimaiyyətə açıqladığına görə, hal-hazırda Norveçdən sığınacaq istəyən vəkilini tənqid edib. Xanım Aştianinin digər vəkilləri isə müsahibədən əvvəl onun iki gün işgəncələrə məruz qaldığını deyirlər.

Səkinə Aştianinin daşqalaqla ölüm cəzasına məhkum edilməsi cəza metodunun beynəlxalq ictimaiyyət tərəfindən tənqid edilməsindən sonra müvəqqəti olaraq ləğv edilib. Lakin İslam Respublikası hələ də ölüm cəzasını müttəhimi asmaqla icra edə bilər.VOA