Dollardan imtina etmək İrana ziyan vuracaq

SON XƏBƏRLƏR

Dollardan imtina etmək İrana ziyan vuracaq

2021.10.20, 07:36

Gunaz.tv

GünAzTv: Xəbər verdiyimiz kimi, İran ixrac mallarının dollar, ya da avro ilə satılmasını dayandıracaq. Yerli mətbuatın yazdığına görə, İran BMT-nin yeni sanksiyalarına bu üsulla cavab verir.

Ölkənin vitse-prezidenti Məhəmməd Rza Rahimi dollar və avronun haram olduğunu elan edib. Bildirib ki, İran Avropa Birliyi ölkələrindən məhsul alınmasını da məhdudlaşdıracaq. Amma o, avro və dollara bu qadağaların nə zamandan qüvvəyə minəcəyini deməyib.

Bəs görəsən, İran hakimiyyətinin bu qərarının arxasında hansı siyasi məqamlar dayanır? Ölkənin avro və dollardan imtina etməsi onun iqtisadiyyatına necə təsir edə bilər?Politoloq Qabil Hüseynli dedi ki, İran prezidenti sırf şəriət qanunlarına əsaslanaraq hansısa dəyərləri halal, yaxud haram elan etməyi bacarır: “İran kimi teokratik rejimlərdə bu, artıq kitaba salınıb. Onlar üçün dünyada ən populyar olan şeyləri, məsələn, iqtisadiyyatın qan damarları olan dolları və avronu haram etmək asan işdi. Amma bu, çıxılmaz vəziyyətdə olan rejimin addımlarıdır. Bununla dünya xalqlarını, o cümlədən də inkişaf etmiş xalqları özlərinə qarşı çevirirlər. Bu nöqteyi-nəzərdən bu addımın İrana xeyir gətirəcəyini güman etmirəm. Sanksiyaları qəbul edərkən İran başqa ölkələrlə də hesablaşmanı dollarla aparmağı bəyan etmişdi. Ona görə də bu hərəkətlə İran özünü pis vəziyyətə salır. Çünki İranın öz vahidi dünya valyuta birjalarında etibarlı valyuta hesab edilmir və bununla alış-veriş çox çətindir. Bundan imtina İranın xarici ticarət dövriyyəsinə də təsir edəcək. Hesablaşmalarda çətinliklər yaranacaq”.İqtisadçı-ekspert Qubad İbadoğlu bu cür bəyanatların İranın iqtisadiyyatının durğunlaşmasından öncə də olduğunu dedi: “Bu, daha çox siyasi bəyanatdır. Çünki ABŞ dolları əvvəl də aparıcı valyuta vahidi idi. Artıq dünyada bir qrup məhsulların satışı dollarla həyata keçirilir. Problem ondadır ki, neftin bazar qiyməti bahalaşdıqca ABŞ dollarının alıcılıq qabiliyyəti aşağı düşür. Digər valyuta vahidlərinin də məzənnələri dəyişib və bu baxımdan baha neft satıb onun əvəzində ucuz dollar əldə etmək neft ixrac edən ölkələrin maraqlarında deyil”.Q.İbadoğlunun fikrincə, avronun özünün də məzənnəsi etibarlı deyil və ona etimad etmək olmaz: “Bu baxımdan bir zamanlar İraq prezidenti Səddam Hüseyn də nefti dollara yox, avroya satmaq istəyirdi. Amma avro zonasında müşahidə olunan dəyişikliklər avroya etibarsız və etimadsızlıq məzənnə imici qazandırıb. Ona görə də bu baxımdan avronun özü belə iqtisadi cəhətdən səmərəli deyil”. musavat

GUNAZ.TV

SON XƏBƏRLƏR