Moskva bütün Qafqazda hərbi nəzarət qurur

SON XƏBƏRLƏR

Moskva bütün Qafqazda hərbi nəzarət qurur

2021.10.20, 07:36

Gunaz.tv

GünAzTv: ABŞ-dakı (Amerika Birləşmiş Ştatları) “Heritage” fondunun eksperti Ariel Koen isə “Wall Street Journal” qəzetində dərc edilmiş məqaləsində yazır ki, Rusiya Qafqazda tək hərbi gücə çevrilir.

Məqalədə Rusiyanın Ermənistandakı hərbi bazasından istifadə müddətinin uzadılması ilə bağlı razılaşmaya toxunularaq bildirilir ki, iki ölkə arasında imzalanacaq yeni hərbi müqaviləyə əsasən Ermənistanın Azərbaycan və Türkiyə ilə sərhədlərini rus qoşunları qoruyacaq. Qeyd edək ki, Ermənistanın Türkiyə sərhədlərini onsuz da rus hərbçiləri qoruyurdu. Lakin yeni müqavilə Azərbaycanla sərhədlərin də mühafizəsinin erməni-rus birləşmələri tərəfindən həyata keçirilməsini nəzərdə tutur.Koen yazır ki, bu müqavilə birbaşa olaraq Azərbaycanı işğal edilmiş ərazilərini hərbi yolla qaytarmaqdan çəkindirməyə yönəlib. Eyni zamanda Moskva bununla mesaj verir ki, Azərbaycan Qərblə əməkdaşlığı dayandırsın. ABŞ və NATO isə regionda uzunmüddətli hərbi iştiraka hazır deyil. Ekspert Gürcüstan ərazilərində Rusiyanın artıq beş hərbi baza yerləşdirdiyini də xatırladır. Koen qeyd edir ki, Obama administrasiyasının Rusiyaya münasibətdə “yumşaq güc” taktikasından istifadə etməsi özünü doğrultmayıb. “Rusiya ancaq kobud gücü başa düşür” - deyə ekspert bildirir. Koen bildirir ki, ABŞ Gürcüstan və Azərbaycanla hərbi əməkdaşlığı genişləndirməli, bu ölkələrə yardımı artırmalıdır.

Bu arada Abxaziyada Rusiyanın müasir raket silahı sayılan "S-300" zenit raket sistemi yerləşdirilib. Bunu jurnalistlərə Rusiya Hərbi-Hava Qüvvələri komandanı, general-polkovnik Aleksandr Zelin bildirib. Onun sözlərinə görə, bu sistem, Rusiya hərbi bazası və Abxaziya ərazisinin müdafiəsi üçün nəzərdə tutulub.

A.Zelin bildirib ki, "S-300" kompleksi qarşısında qoyulan məqsəd müdafiə edilən ərazilərin hava məkanına daxil olan uçan aparatların məhv edilməsindən ibarətdir. Rusiyalı zabitin qeyd etdiyi kimi, Cənubi Osetiyada hava hücumundan müdafiə məqsədləri üçün digər tipli sistemlər yerləşdirilib.

GUNAZ.TV

SON XƏBƏRLƏR