İrana ediləcək hücum son nöqtəsinə qədər planlaşdırılıb

SON XƏBƏRLƏR

İrana ediləcək hücum son nöqtəsinə qədər planlaşdırılıb

2021.10.20, 07:36

Gunaz.tv

GünAzTv: ABŞ-ın (Amerika Birləşmiş Ştatları) “The Atlantic” jurnalı İsrail və ABŞ siyasətini istiqamətləndirən 40 şəxslə danışıb. Aralarında baş nazir və baş qərargah rəisinin də olduğu səlahiyyətlilər İranın bombalanma ehtimalının 50 faizdən çox olduğunu bildirib.

GünAzTv mətbuat mərkəzinin SİA-ya istinadən yaydığı məlumata görə, Qəzetin müxbiri Jeffrey Goldberqin həm İsraildə, həm ABŞ-da görüşdüyü şəxslərin danışdıqları İrana ediləcək hücumun son nöqtəsinə qədər planlaşdırıldığını göstərir. Fərqli mənbələrin şərhlərindən ortaya çıxan ssenari isə aşağıdakı kimidir.

Qarşıdakı 12 ay ərzində günlərin birində İsrail Beynəlxalq Təhlükəsizlik Məsləhətçisi Uzi Arad və müdafiə naziri Ehud Barak eyni anda Vaşinqtondakı həmkarlarına zəng edərək əməliyyata başladıqlarını xəbər verəcək. İsraildən havaya qalxan 100 qədər F-15 və F-16 tipli döyüş təyyarələri Türkiyə ərazisinə girmədən, böyük ehtimalla Səudiyyə Ərəbistanı üzərindən İran ərazisinə daxil olacaq. İsrailin hələ də danışıqlar apardığı və gizli olaraq əməkdaşlıq müqavilələri imzaladığı Səudiyyə Ərəbistanı bu vaxt radarlarını bağlayacaq.

Təyyarələr İraq hava sahəsindən də istifadə edəcək. İddiaya görə, belə bir ehtimaldan indidən xəbərdar edilən İraqdakı ABŞ ordusu “İsrail təyyarələri sərhədə girsə vurmayın” təlimatını alıb. Təyyarələrin İrana daxil olması da problem yaratmayacaq. Yüksək rütbəli bir İsrailli səlahiyyətli “İranın radarlarını təsirsiz hala gətirə bilərik” deyib.

İrana girən təyyarələrin nüvə mərkəzlərinin vurmaq üçün tək bir şansları olacaq. Çünki, İranın vəziyyətindən xəbərdar olar-olmaz Livandakı “Hizbullah”ın İsraili vurması ehtimal edilir. Bu vəziyyətdə təyyarələrin tezliklə İsrailə dönərək müdafiəyə keçməsi tələb olunur. Əgər nüvə mərkəzlərini tamamilə yox etmək

mümkün olmasa, Şimali İraqdan havaya qalxacaq təyyarələrin işi yekunlaşdırılması planlaşdırılır. Bütün bunlar reallaşarsa İran hücum etməyə cəsarət etməyəcək, ya da Yaxın Şərqdə dövrün ən böyük müharibələrindən biri başlayacaq.

İsraildə ABŞ-ı hücuma razı salmanın vacib olduğunu söyləyənlərin daha çox olduğu deyilir. Hesab edilir ki, belə olan halda İranın daha tez zərərsizləşdirmək mümkün olacaq. Ancaq hələ də İraq və Əfqanıstanda hərbi əməliyyatlarda iştirak edən ABŞ-ın Yaxın Şərqdə yeni bir döyüşə girmə ehtimalı aşağı qiymətləndirilir.

İsraildən havaya qalxan 100-ə qədər döyüş təyyarəsi Natanz, İsfahan və Buşehrdəki nüvə mərkəzlərini bombalayacaq.

GUNAZ.TV

SON XƏBƏRLƏR