GünAzTv: İranda yaşayan bütün qeyri-fars millətləri, İran İslam Respublikasının əsas ideoloji mahiyyətini müəyyənləşdirən Fars irqçılarından, təhqir paylarını alırlar. 

Fars şovinizmi Asimilasyon mexanizmini effektli şəkildə işə salmaq üçün peşəkar səviyyədə iş aparıb, sosioloji və psixoloji araşdırmalar nəticəsində müxtəlif vasitələrlə qeyri-fars millətlərinin nümayəndələrində, özündən qaçma və fars şovinizminə sığınma kompleksini aşılamağa çalışıbdır.

Bu məqsədlə Qacarlardan sonra dövləti ələ keçirən Fars irqçıları bir əsrə yaxındır ki, bütün vasitələrdən istifadə edərək İranda yaşayan qeri-fars millətləri milli səviyyədə təhqirə məruz qoyub, onların tarix, mədəniyyət, dil, musiqi, adət-ənənə və bütün mənəvi həyatlarını gülünc obyektinə çeviriblər.

Fars şovinizmi qarşısına qoyduğu “millətləri əritmə” hədəfi üçün heç bir kalan təbliğat vasitələrini işə tutmaqdan əsirgəməyib. O vasitələrdən ən əsası Kütləvi İnformasiya Vasitələri (2006-ci ildə “İran” qəzetində türkləri təhqir edən məlum karikaturun dərci və 22 may milli qiyamın baş tutması məsələsi bariz nümunədir), Kinoteatr və müxtəlif film-serial, tarix kitabları, məqsədyönlü şəkildə yaradılan lətifələr, ümumi məkanlarda o cümlədən əsgərlərin saxlanıldığı hərbi məntəqələr, məktəb və digər təhsil ocaqları, yarışlar (2010-cu il iyul ayının 27-də “Traxtur-Piruzi” futbol müsabiqəsində türklərə qarşı səsləndirilən təhqiramiz şüarlar və o şüarların İran Telekanalında yayımlanmasını canlı misaldır) və ... kimi hallarda  əzici ifadələrin işlədilməsindən ibarətdir.

Fasr şovinizmi asimilasyon siyasətində ən əsası Azərbaycanı hədəfləsədi, bu məkrli siyasətdən o biri millətlərdə öz paylarını alıblar. Hazırda “Fasilələr” serialında təhqir hədəfinə alınan Lor milləti öz etirazını radio və televiziya, sinfi və öyrənci qurumlar, internet saytları və digər vasitələrlə  “Yavər”ın şəxsiyyətinə bildirməkdədir.

Əslən Lor millətinə mənsub olan Satirik yazıçı cənab Rza Saki bu haqda yazır ki, yerli dil və ləhcələri komediyada istifadə etmək heçdə pis deyil. Ancaq məsələ ordadır ki, bu ləhcədə danışanların bundan başqa heç bir özəlliyi yoxdur. yəni onlardan bu ləhcə alınırsa artıq onlar komediyaya yaramazlar. buda bir mədəniyyəti təhqir etmək deməkdir. Məhz buna görə, Lor milləti “Yavər”ın şəxsiyyətinə etiraz edirlər.

Cənab Saki həmçinin vurqulayıb ki, İranda yaşayan qeri-fars millətlərə Kütləvi İnformasiya Vasitələrində heç bir yer verilmir. Nə zaman ki, orda bir hadisə baş verir, neft quyusu tapılır, kimsə edam olur, prezident o bölgəyə gedir və... bu kimi hallarda o bölgələr yada düşür.

O yazının dəvamında vurqulayır ki, qeyri-fars ləhcəsində vəya dilində danışan birisinə heç zaman doğru-dürüst rol verilmir. Filmnaməni yazanlar hardakı boşluq olur, oraya həmən qeyri-fasr ləhcəsi yerləşdirirlər vəya gülüşə söz tapmayanda onlardan istifadə edirlər.

Rza Saki sonda “Fasilələr” serialının fasilələri  artırdığını bildirib.

GünAzTv mətbuat mərkəzi