İstanbulda Güney Azərbaycana dəstək aksiyasi keçirilib

SON XƏBƏRLƏR

İstanbulda Güney Azərbaycana dəstək aksiyasi keçirilib

2021.10.20, 07:36

Gunaz.tv

GünAzTv: Qardaş ölkə Türkiyənin İstanbul şəhərində Güney Azərbaycan və milli hərəkata dəstək aksiyasi keçirilib.

BİRKOM (Cənubi Azərbaycan Birlik komitəsi) İstanbul şöbəsi girişimi ilə İran səfirliyinin qarşısında təşkil olunan aksiyada Cənubi Azərbaycan ziyalıları və milli-mədəni fəallarına qarşı yerli hakimiyyət tərəfindən göstərilən təzyiqlər pislənilib.

Əsasən son həbsləri qınamaq üçün avqustun 8-də (mordadın 17-i) saat 14:00-də Azərbaycanlı türklərin tərəfindən başlatılan aksiyaya Şərqi Türküstanın “Gənclik və Mədəniyyət” dərnəyi, Kərkuk türkləri və anadolu türkləridə dəstək veriblər.

Aksiya iştirakçıları oxunan bəyanatla fars rejimini, Güney Azərbaycanda heyata keçirdiyi son həbslər dalğası, Azərbaycan türklərinə qarşı tətbiq olunan təzyiq və assimilyasiya siyasətini pisləyiblər.

Aksiyada “İranda türklərə basqılara son”, “Türkcə yasaq qaldırılmalı”, “Məhbuslar özgür buraxılmalı”, “Yaşasın özgür Azərbaycan”, “Azərbaycan var olsun-İran sana ar olsun”, “Türklərə uzanan əllər qırılsın”, “İranda irqçılıq son bulmalı”, “Daşqalaq cəzası qaldırılmalı”, “Türk körpüsü Güney Azərbaycan” və ... kimi milli şüarlar səsləndirilib.

Aksiya saat 14:45-də başa çatıb.

GUNAZ.TV

SON XƏBƏRLƏR