Qırğızıstanda hökumət çevrilişinin qarşısı alınıb

SON XƏBƏRLƏR

Qırğızıstanda hökumət çevrilişinin qarşısı alınıb

2021.10.20, 07:36

Gunaz.tv

GünAzTv: Qırğızıstan rəsmiləri bildirirlər ki, sabiq prezident Kurmanbek Bakiyevin tərəfdarlarının mümkün dövlət çevrilişinin cəhdinin qarşısı alınıb.

Bu yaxınlarda siyasi mühacirlkdən Qırğızıstana qayıtmış yerli siyasi lider tərəfdarları ilə Təhlükəsizlik Qüvvələri arasındakı toqquşmalar zamanı ən azı 11 nəfər yaralanıb.

Qırğızıstan höküməti bu yaxınlarda etnik zəmində baş vermiş zorakılıqlardan və ziyasi hərcmərclikdən sonra ölkədə sabitlik və əminamanlığı təmin etməyə çalışır.

GünAzTv mətbuat mərkəzinin BBC-yə istinadən yaydığı məlumata görə, Qırğızıstan Təhlükəsizlik Xidmətinin rəhbəri Keneşbek Duşebayev bildirib ki, ötən gün paytaxt Bişkəkdə nümayişlər keçmiş prezident Kurmanbek Bakiyevin ailə üzvləri tərəfindən maliyyələşdirilə bilərdi.

Qırğız qoşunları camaatı dağıtmaq üçün boş güllə atəşindən və gözyaşardıcı qazdan istifadə etmişdilər.

Siyasi lider Urmat Barıktabasovun yüzlərlə tərəfdarları onun Baş Nazir təyin olunmasını tələb edirdilər.

Təhlükəsizlik qüvvələri Urmat Barıktabasov və bir neçə onun tərəfdarlarını həbs ediblər.

Hökümət iddia edir ki Baryktabasovun tərəfdarları silahlanmışdılar.

Urmat Baryktabasov mühacirətdən bu yaxınlarda qayıdıb.

2005-ci ildə o, prezident Kurmanbek Bakiyevə qarşı çevriliş hazırlamaqda ittiham olunduqdan sonra ölkədən qaçmışdı.

Qırğız rəsmiləri Apreldə devrilmiş prezident Bakiyev ilə Baryktabasov arasında əlaqənin olmasını hələ sübut etməlidirlər.

O vaxtdan bəri Qırğızıstanın müvəqqəti höküməti ölkədə qayda-qanunu təmin etməyə çalışır.

İyun ayında, ölkənin cənubunda, Qırğız və Özbək icmaları arasında etnik zəmində toqquşmalar baş verdi.

Həmin hadisələr nəticəsində azı 350 nəfər həlak olub, minlərlə insan evsiz-eşiksiz qalıb.

Oktyabr ayına təyin olunmuş parlament seçkiləri yaxınşadığı halda, qeyri- sabitliyin davam etdiyi barədə xəbərdarlıq edirlər.

GUNAZ.TV

SON XƏBƏRLƏR