Həmsədrlər bölgədə müharibənin başlanmasında maraqlıdır

SON XƏBƏRLƏR

Həmsədrlər bölgədə müharibənin başlanmasında maraqlıdır

2021.10.20, 07:36

Gunaz.tv

GünAzTv: Siyasi İnnovasiya və Texnologiyalar Mərkəzinin sədri Mübariz Əhmədoğlu iddia edir ki, ATƏT-in Minsk qrupunun həmsədrlərinin son üç bəyanatı Dağlıq Qarabağda müharibənin təbliğinə yönəlib.

Siyasi İnnovasiya və Texnologiyalar Mərkəzinin sədri Mübariz Əhmədoğlu dünən keçirdiyi mətbuat konfransında Dağlıq Qarabağ münaqişəsinin həlli ilə bağlı son prosesləri şərh edib. Onun fikrincə, ATƏT-in Minsk Qrupunun bu istiqamətdə yeritdiyi siyasət heç bir səmərə vermir. Bu qrupun verdiyi son bəyanatlar siyasi gedişlərdən başqa bir şey deyil. ATƏT-in Minsk Qrupunun verdiyi son bəyanatların müharibəni qaçılmaz etdiyini bildirən politoloq iddia edir ki, həmsədrlər regionda müharibənin başlanmasında maraqlıdırlar: “Müharibə variantı labüddür. Hətta ATƏT-in Minsk qrupunun həmsədrlərinin son üç bəyanatı müharibənin təbliğinə yönəlib. Bu məsələdə Ermənistanın qeyri-konstruktiv mövqeyindən daha çox, Minsk qrupu həmsədrlərinin hazırkı mövqeyi müharibəyə sürükləyir”. Onun sözlərinə görə, vasitəçilik missiyasının nəticəsiz qaldığını artıq həmsədrlər özləri də etiraf etməyə başlayıblar”. Mübariz Əhmədoğlu problemə ikili standartlardan yanaşan həmsədrlərin erməniləri qudurtduqları qənaətindədir: “Elə bir situasiya yetişib ki, ATƏT-in Minsk Qrupu həmsədrləri səs-küysüz, sakitcə regionu tərk etməlidir”. Onun fikrincə, əgər bu baş versə, hadisənin miqyası nisbətən kiçik olacaq: “Əks təqdirdə, həmsədrlər proseslərin bu cür inkişafına maraq göstərsələr, Dağlıq Qarabağ regionunda baş verən müharibə Şimali Qafqaza və İran ərazisinə keçə bilər”.

M. Əhmədoğlu deyib ki, proseslərin bu istiqamətdə inkişaf etməsi həm ABŞ-ın (Amerika Birləşmiş Ştatları), həm də Rusiyanın maraqlarına cavab verir: “Əslində Dağlıq Qarabağ münaqişəsinin həlli üçün iki saat da kifayətdir. Bunun üçün İran Azərbaycan qoşunlarının Dağlıq Qarabağdakı erməni qoşunlarının arxasına keçməsinə şərait yaratmalıdır. Belə olsa, İran Dağlıq Qarabağın taleyinin həllində mühüm rol oynaya bilər”.

GUNAZ.TV

SON XƏBƏRLƏR