Müxalifət liderləri İranın xarici siyasətini sərt tənqid ediblər

SON XƏBƏRLƏR

Müxalifət liderləri İranın xarici siyasətini sərt tənqid ediblər

2021.10.20, 07:36

Gunaz.tv

GünAzTv: Onların fikricə yersiz və düşünüməmiş çıxışlar və səhv xarici siyasət, beynəlxalq aləmdə İrana qarşı sanksiyalarla nəticələnib.

İrandakı müxalif mətbu orqanlarından biri olan “Səhamnyus” saytının verdiyi məlumata əsasən, müxalifət liderləri Mir Hüseyn Musəvi və Mehdi Kərrubi hakimiyyətin xarici siyasətini tənqid edərək bildiiblər ki, yersiz və düşünüməmiş çıxışlar və səhv xarici siyasət beynəlxalq aləmdə İrana qarşı sanksiyalarla nəticələnib. Onlar bu sanksiyalar nəticəsində ölkədə az gəlirli ailələrin, fəhlə və kəndli təbəqələrin ziyan gördüyünü xüsusi vurğulayıblar.

Musəvi və Kərrubi keçən həftə İranın xarici siyasətini qiymətləndirmək məqsədi ilə görüş keçirərək son hadisələri müzakirə ediblər. Iki müxalif lider İrana tətbiq edilən sanksiyaları kəskin tənqid edərək, sanksiya qətnamələrinin qəbul olunmasını hakimiyyətdə olanların yersiz və düşünülməmiş çıxışlarının nəticəsi kimi dəyərləndiriblər. Onların, sözlərinə görə artıq vəziyyət elə yerə gəlib çıxıb ki, əvvəlki mövqelərdən geri çəkilmək də ölkənin mənafeyinə uyğun olmaya bilər. Müxalif liderlər həm də qeyd ediblər ki, hər hansı bir imtiyazın indiki şəraitdə verilməsi yeni böhranların başlanğıcı olacaq. Saytın məlumatına görə, Musəvi onu da bildirib ki, sanksiyalar bütün faciəli nəticələri ilə bərabər ölkədə infilasiya, iqtisadi böhran, işsizlik və digər problemləri gücləndirərək xalqın durumunu daha da pisləşdirməyə yönələcək. Xatırladaq ki, İran uranı zənginləşdirmək siyasətindən vaz keçmədiyinə görə BMT-nin TŞ-nın sanksiyaları ilə üzləşib. Bundan əlavə, ABŞ, AB, Kanada və Avstraliyada İrana qarşı yeni və birtərəfli sanksiyalar tətbiq edib. Bu sanksiyalar əsasən İranın hərbi, neft və qaz sənayesini nəzərdə tutmaqla yanaşı bir sıra yüksək səviyyəli iş adamlarının xarici ölkələrə çıxışlarını və fəaliyyətini də məhdudlaşdırıb. Müxalifətin fikrincə İran rəhbərləri indiki vəziyyətdə geri adım atsalar belə problemləri həl etmək qabiliyyətinə malik deyillər. Qeyd edək ki, son həftələr İsrailin İrana yönəlik möhtəməl hücumu ilə bağlı ehtimallar artmaqdadır. İran öz xarici siyasi kursunda dəyişiklik vemək niyəti göstərmədiyindən son günlər İrana qarşı müharibənin başlama ehtimalı da göclənməkdədir. araztm

GUNAZ.TV

SON XƏBƏRLƏR