Payızda İrana hücum olacaq?

SON XƏBƏRLƏR

Payızda İrana hücum olacaq?

2021.10.20, 07:36

Gunaz.tv

GünAzTv: Bəzi siyasi analitiklər qadağaların bir nəticə verməyəcəyini və ABŞ-ın (Amerika Birləşmiş Ştatları) bu ilin oktyabrında İrana hücum edəcəyini deyirlər.

BİRLƏŞMİŞ Ştatlar Dövlət Departamentinin hesablamalarına görə, son bir neçə ildə sanksiyalar nəticəsində İranın enerji sektoru 50-60 milyard dollar həcmində investisiyadan məhrum olub. Bu arada bəzi siyasi analitiklər qadağaların bir nəticə verməyəcəyini və ABŞ-ın (Amerika Birləşmiş Ştatları) bu ilin oktyabrında İrana hücum edəcəyini deyirlər. Birləşmiş Ştatlar və İsrailin İrana qarşı hərbi müdaxiləyə başlayacağı ilə bağlı etimallar hər ötən gün daha da artır. Rusiyalı analitiklər oktyabrın ilk üç həftəsində müharibənin başlayacağını proqnozlaşdırır. Hücum iki faktorla bağldır. Əvvəla, Vaşinqton Tehranın nüvə silahına malik olmasını qəti istəmir. Digər bir məsələ isə Barak Obamanın nüfuzunun sürətlə aşağı düşməsiylə əlaqədardır. Belə ki, demokratlar noyabrdakı Konqress seçkisi öncəsi amerikalıların vətənpərvərlik hisslərinə təsir edərək, səs qazanmaq istəyir. ABŞ və İsrailin birgə hücumunun əsas hədəfi isə İranın nüvə obyektləri olacaq. Hücum Əfqanıstan və Fars Körfəzindən gerçəkləşdiriləcək. Bunun üçün həmin ərazilərdə Amerikanın kifayət qədər hərbi potensialı var. Vaşinqton bu hücumla bir gülləylə iki dovşan vurmaq istəyir. Bu məsələdə ABŞ -ın ikinci hədəfi Çindir. İqtisadiyyatı sürtlə inkişaf edən Çin , ABŞ üçün qlobal hegemonluqda təhlükədir. Pekinin Tehranla enerji sahəsindəki əməkdaşlığı da Vaşinqtonu narahat edir. Birləşmiş Ştatlar İrana təzyiqlər çərçivəsində Çindən İranla neft-qaz sahəsində əməkdaşlığı dayandırmasını istəyir. Lakin Çin tərəfi enerjiyə olan ehtiyacını önə çəkərək, bu tələbi yerinə yetirməkdən imtina edir. Hazırda Çin, neftə olan tələbatının 9 faizini iran vasitəsiylə təmin edir. Bu isə çin iqtisadiyyatının müəyyən mənada iran neftindən asılılığını göstərir. Birləşmiş Ştatlar irana hücum etməklə Pekinin enerji təchizatını poza bilər. Nəticədə Çin iqtisadiyyatı ziyan görəcək. Bu arada ABŞ-ın irana hücumunu özü üçün mənfi nəticələr verəcəyini yaxşı başa düşən Çin, Vaşinqtonun diqqətini Koreya yarımadasına istiqamətləndirməyə çalışır. Belə ki, Amerika və Cənubui Koreyanın Sarı dənizdəki son təlimindən sonra burada vəziyyət gərginləşib. Əgər Şimali Koreya cənuba hücum etsə, onda ABŞ İran planından əl çəkməli olacaq.

GUNAZ.TV

SON XƏBƏRLƏR