Contact Us

SON XƏBƏRLƏR

Rusiyadan Azərbaycana S-300 sisteminin satılmasını tərəflər təkzib edir

2021.10.20, 07:36
Rusiyadan Azərbaycana S-300 sisteminin satılmasını tərəflər təkzib edir

Gunaz.tv

GünAzTv: Rusiyanın “ Vedemosti” qəzeti Azərbaycanın Rusiyadan 300 milyon dollarlıq S-300 raket sistemləri almasıyla bağlı məlumat yayıb.Qəzet Rusiyanın adı çəkilməyən hərbi rəsmisinə istinadla yazır ki, Azərbaycan bu qurğuları çox güman ki, istənilən vaxt qonşu İranda vəziyyətin pisləşməsinə hazır olmaq, özünü müdafə məqsədilə alır və bu Ermənistanla Azərbaycan arasındakı balansı çətin ki, dəyişsin.Qəzetin yazdığına görə tərəflər arasında belə bir müqavilə ötən il imzalanıb.Rusiyanın müdafiə sənayesindəki müəssisələrdən birinin menenceri “Vedomosti” qəzetinə müqavilənin artıq icrasına başlanıldığını və yaxın iki ildə ola bilsin ki, başa çatdırılacağını deyib.Azərbaycan prezidentinin mətbuat katibi Azər Qasımov isə onlarda belə bir məlumat olmadığını bildirib.

Həmçinin Rusiya Azərbaycana S-300 zenit-raket komplekslərinin satılmasıyla bağlı yayılmış məlumatı təkzib edib.APA-nın «RİA Novosti» agentliyinə istinadən verdiyi məlumata görə, «Rosoboroneksport» şirkətinin nümayəndəsi Vyeçeslav Davıdenko məlumata aydınlıq gətirərkən tərəflər arasında belə bir müqavilənin olmadığını bildirib.

SEÇİLMİŞ XƏBƏRLƏR

Çox oxunanlar