Contact Us

SON XƏBƏRLƏR

İrana qarşı müharibə ehtimalı getdikcə artır

2021.10.20, 07:36
İrana qarşı müharibə ehtimalı getdikcə artır

Gunaz.tv

GünAzTv: İrana qarşı müharibə təhlükəsi cinddiləşir. Bu barədə ABŞ (Amerika Birləşmiş Ştatları) Mərkəzi Kəşfiyyat İdarəsinin (MKİ) keçmiş direktoru Maykl Hayden CNN telekanalına müsahibəsində bildirib.

 M.Hayden deyib ki, İrana hərbi zərbə hazırda ən pis variant deyil. Onun fikrincə, İran hətta nüvə silahı əldə etməyə yaxınlaşsa belə bu dünyadakı vəziyyətə neqativ təsir göstərəcək.

GünAzTv mətbuat mərkəzinin “Musavat”-a istinadən yaydığı məlumata görə, Keçmiş MKİ direktoru beynəlxalq sanksiyalara baxmayaraq İranın nüvə fəaliyyətlərini genişləndirdiyini bildirib. O, deyib ki, bir neçə il əvvəl İrana qarşı hərbi əməliyyatlar arzuolunan hesab edilmirdi. Lakin indi vəziyyət dəyişib, İran nüvə silahı əldə etməyə yaxınlaşıb və hərbi zərbələrin alternativi olmaya bilər.“İran sanksiyalara heç bir əhəmiyyət vermir. Biz anlaşma əldə etməyə çalışırıq, onlar isə daha da irəli gedir. Biz çalışırıq ki, onları yola gətirək və dayandıraq, ancaq onlar irəli getməkdə davam edir. Əgər hər şeyi taleyin öhdəsinə buraxsaq, İran tezliklə elə mərhələyə çatacaq ki, nüvə silahına birbaşa çıxış əldə edəcək” - deyə M.Hayden bildirib.İrana qarşı İsrail də hərbi əməliyyatlara hazırlaşır. “WorldNetDaily" xəbər verib ki, bu yaxınlarda ”Mossad" direktoru Meir Daqan Səudiyyə Ərəbistanına məxfi səfər edib və İrana qarşı hərbi əməliyyatları müzakirə edib. Onun ər-Riyadda ölkənin hərbi və xüsusi xidmət strukturlarının rəhbərləri ilə görüşdüyü bildirilir. İsrail İrana qarşı hava hücumlarına qərar versə, onun təyyarələri Səudiyyə Ərəbistanı üzərindən keçməlidir. Məlumatlar var ki, Səudiyyə Ərəbistanı rəhbərliyi ölkənin hava məkanından İrana qarşı istifadəyə razılıq verib.Lakin bu xəbərlər rəsmən təkzib olunur. Bir çox ekspertlər isə hesab edirlər ki, İsrail təyyarələrinin İranı vurmaq üçün Səudiyyə Ərəbistanının hava sahəsinə ehtiyacı yoxdur və onlar havada yanacaq götürməklə mənzil başına çata bilərlər.Bu cür xəbərlərin yayıldığı bir vaxtda İranın müdafiə naziri Əhməd Vahidi bəyan edib ki, onun ölkəsi istənilən düşmənin hücumunu dəf etməyə qadirdir. Onun sözlərinə görə, hazırda regionda hərbi baxımdan qüvvələr nisbəti İranın xeyrinədir. ABŞ və onun müttəfiqlərinin hər gəmisinə qarşı İranın yüzlərlə gəmisi var. Ə.Vahidi bildirib ki, hazırda Fars körfəzində 100-ə yaxın xarici gəmi var.

SEÇİLMİŞ XƏBƏRLƏR

Çox oxunanlar