Türkiyə, Braziliya və İranın xarici işlər nazirləri İstanbulda bir araya gəliblər

SON XƏBƏRLƏR

Türkiyə, Braziliya və İranın xarici işlər nazirləri İstanbulda bir araya gəliblər

2021.10.20, 07:36

Gunaz.tv

GünAzTv: İran, Türkiyə və Braziliyanın xarici işlər nazirləri İstanbulda görüşərək Qərbin İranın nüvə reaktorunu yanacaqla təmin etməsi planlarına dəstəyi bir daha ifadə ediblər.

Tərəflər inanır ki, bu planla İranın öz uranını nüvə silahı istehsal etmək məqsədilə zənginləşdirildiyə dair şübhələrə son qoyulacaq.

Bu arada isə İran Avropa İttifaqına müraciət edərək hazırkı qarşıdurmaya son qoyulması üçün daha artıq danışıqlar aparmağa çağırıb.

İstanbuldan BBC müxbiri Devid Obirn xəbər verir ki, görüş qısa keçsə də nazirlər müzakirə olunan məsələnin üzərində dayanıblar. Hər üç nazir təsdiqləyib ki, onlar İrana zənginləşdirilmiş uran göndərilməsi planını dəstəkləməkdə davam edəcəklər. Baxmayaraq ki, ötən ay Birləşmiş Millətlər Təşkilatı İranın nüvə proqramı ilə bağlı sanksiyalar barədə qərar qəbul edib.

İranın xarici işlər naziri Mənuçehr Möttəki bəyan edib ki, onun hökuməti Beynəlxalq Atom Enerjisi Agentliyinin İranın nüvə proqramına dair suallarına bazar ertəsi cavab verəcək.

Və o əlavə edib ki, İran hazırkı qarşıdurmaya son qoymaq və Qərbi onun yanacaqla təmin olunması planına razı salmaq üçün danışıqlara hazırdır.

Bu plan may ayında Türkiyə və Braziliyanın İranla apardığı danışıqlar nəticəsində əldə edilib. Plana görə, İran özünün az zənginləşdirilmiş uranını saxlanmaq üçün Türkiyəyə göndərəcək, bunun əvəzində isə Qərb ölkələri İranın nüvə reaktoru üçün ona yanacaq göndərəcək.

Təsdiqlənməmiş məlumata görə, danışıqların sentyabr ayında, müsəlmanların müqəddəs Ramazan ayı başa çatandan sonra İstanbulda keçirilməsi nəzərdə tutulur.

İran bu danışqlara Avropa İttifaqının xarici məsələlər üzrə başçısı Baronessa Kətrin Əştonun rəhbərlik etməsini istəyir.

GUNAZ.TV

SON XƏBƏRLƏR