Contact Us

SON XƏBƏRLƏR

Türkiyə-İran boru kəməri və PKK

2021.10.20, 07:36
Türkiyə-İran boru kəməri və PKK

Gunaz.tv

GünAzTv: Son günlərdə İran ilə bağlı mövzulara yenisi əlavə olunmağa başlayıb. Adətən digər mövzularda problemlər yaşansa da enerji mövzusunda daha uğurlu görüntüyə sahib olan İran qaz ixracında və benzin idxalında problemlər yaşamağa bağlayıb.

Bu dəfə problemlərin əsas qaynaqlarından  biri terror olub. Belə ki, İrandan Türkiyəyə təbii qaz nəql edən kəmər partladılıb və bunun nəticəsində həm İranın qaz ixracında, həm də Türkiyənin enerji tələbatını ödəməsində ciddi problemlər başlayıb.

Türkiyə təbii qaz ehtiyacını təmin etmək üçün alternativ variant kimi Rusiyaya müraciət etmişdir. Rus Qazprom şirkəti öz növbəsində Mavi Axın kəməri vasitəsiylə Türkiyəyə nəql etdiyi qazın həcmini 14 milyon kubmetrdən 22 milyon kubmetrə çıxarmışdır. Botaş isə bu həcmin 32 milyon kubmetrə çıxarılmasını tələb edir və Qazpromun bu tələbi qarşılayacağı bildirilir.

İran-Türkiyə təbii qaz kəmərində partlayışla bağlı müxtəlif versiyalar səslənsə də, hadisənin PKK terror təşkilatı tərəfindən törədildiyinə dair ehtimal daha real qəbul olunur. Bunun səbəbi kimi həm İranın PKK-ın bu ölkədəki qolu olan PEJAK-a qarşı sərt addımları, həm də ABŞ-ın İran ilə Türkiyə arasındakı əməkdaşlıqdan narahat olması göstərilir. Hətta iddia olunur ki, ABŞ PKK terrorçuları ilə danışıqlar apararaq PKK-nın Xalqın Mücahidləri təşkilatına İrana qarşı fəaliyyətlərdə kömək göstərməsini istəmişdir. Eyni zamanda son partlayışda da bu ölkənin sifarişçi qismində çıxış etdiyi iddia olunur. Amma, Türkiyə ilə onsuz da gərgin olan münasibətlərini düzəltməyə çalışan ABŞ-ın belə addım atması zəif ehtimal kimi görünür. Bu səbəbdən, ABŞ-ın bu məsələdə birbaşa ilk şübhəli kimi günahlandırılması ciddi qəbul olunmur. Bütün hallarda isə xüsusi kəşfiyyat dəstəyi ilə qorunan dövlətlərarası boru kəmərinin yenə xüsusi kəşfiyyat dəstəyi olmadan partladılması ehtimalı da zəif olduğundan PKK-nın xarici ölkələrdən aldığı dəstək barədə yeni məqamların ortaya çıxması qaçılmazdır. araztm

SEÇİLMİŞ XƏBƏRLƏR

Çox oxunanlar