Contact Us

SON XƏBƏRLƏR

Azərbaycana səfir göndəriləcək Metyu Brayza ermənilərin hədəfində

2021.10.20, 07:36
Azərbaycana səfir göndəriləcək Metyu Brayza ermənilərin hədəfində

Gunaz.tv

GünAzTv: Ermənilər əllərindən gələni edirlər ki, Azərbaycana qarşı nəsə bir şey etsinlər. İndi də erməni diasporu Azərbaycana səfir göndəriləcək Metyu Brayzanı qaralayıblar.

Belə ki, iki gün öncə ABŞ (Amerika Birləşmiş Ştatları) Senatında dinləmələrə çıxarılan diplomat ermənilərin təzyiqləri ilə üzləşib. Verilən məlumatda deyilir ki, dinləmələrdən əvvəl ciddi təzyiqlər göstərən erməni diasporu prosesin bu şəkildə başlamasına səbəb olub. Prezident Barak Obamanın təqdimatı əsasında Bakıya səfir göndərilməsi məsləhət bilinən Brayzanın Senatın Xarici Əlaqələr Komitəsində suallara cavab verdiyi məlum olub. Erməni diasporunun təsiri altında olan senatorlar isə Brayzanı sualları ilə sıxışdırmağa cəhd ediblər. Qeyd edək ki, dinləmələrdən əvvəl Amerika Beynəlxalq Erməni Komitəsinin (ANKA) rəhbəri Kenç Haçikyan Senat üzvlərinə uzun bir məktub göndərərək, Brayzanın özəl həyatı ilə bağlı bir sıra iddialar irəli sürüb. Məktubda Brayzanın ABŞ-ın tanınmış Hudson Universitetində dərs deyən türk xanımı Zeyno Baranla olan evliliyinin beyinlərdəki şübhələri artırdığını iddia edilib. Haçikyana görə, cütlüyün İstanbuldakı toyu azərbaycanlı iş adamları tərəfindən maliyyələşdirilib. Bundan başqa erməni təşkilatının rəhbəri onu da iddia edib ki, Hudson Universiteti Azərbaycanla bağlı olan bəzi enerji şirkətlərindən maliyyə dəstəyi alır. Erməni diasporunun bu iddialarına rəğmən ABŞ Senatı öz qərarını verəcək. Eyni zamanda, Amerikadakı Azərbaycanlılar Təşkilatı (USAN) dünən bəyanat yayaraq, irəli sürülən iddiaları yalanlayıb. Həmin bəyanatda deyilir ki, Azərbaycan diasporu Metyu Brayzanın Bakıya səfir göndərilməsinə etiraz etmir, əksinə dəstəkləyir.

SEÇİLMİŞ XƏBƏRLƏR

Çox oxunanlar