Contact Us

SON XƏBƏRLƏR

Rəsmi Tehran Dmitri Medvedyevə cavab verdi

2021.10.20, 07:36
Rəsmi Tehran Dmitri Medvedyevə cavab verdi

Gunaz.tv

GünAzTv: Tehran nüvə proqramını hərbi istiqamətdə davam etdirmədiyini iddia edir.

 

«Biz Rusiya prezidenti Dmitri Medvedyevin İranın nüvə fəaliyyətinin hərbi istiqamətdə inkişaf etdiyi barədə düşüncələrini səhv sayırıq. Bu düşüncə həqiqətə əsaslanmır. Bizim Beynəlxalq Atom Enerjisi Agentliyi ilə əməkdaşlığımız bu fəaliyyətin dinc xarakter daşıdığını göstərir”. “Media forum” saytı xəbər verir ki, bu sözləri iyulun 20-də İranın Xarici İşlər Nazirliyinin sözçüsü Ramin Mehmanpərəst Rusiya prezidenti Dmitri Medvedyevin bir həftə əvvəlki açıqlamasına cavab olaraq deyib. İyulun 12-də Moskvada xarici ölkələrin səfirləri ilə görüşən Dmitri Medvedyev İranın nüvə fəaliyyətinin hərbi istiqamətdə inkişaf etdiyini bildirib: “İran artıq atom silahı istehsal etmək ərəfəsindədir”.Ramin Mehmanpərəst isə vurğulayıb ki, hansısa ölkənin nüvə proqramının hərbi məqsəd daşıması barədə şübhələr dəlil-sübuta, sənədlərə söykənməlidir: “Başqa ölkələrin apardığı nüvə fəaliyyətinin hərbi xarakter daşımasından narahatlığını izhar edən ölkələr nəyə görə qanunsuz İsrail hökumətinin hərbi fəaliyyətindən danışmırlar? Halbuki 200-dən çox nüvə başlığına malik olan İsrail bölgə ölkələrini bu silahlardan faydalanacağı ilə təhdid edir”.

SEÇİLMİŞ XƏBƏRLƏR

Çox oxunanlar