Vaşinqtondan Ankaraya mesaj: İran işindən çəkil

SON XƏBƏRLƏR

Vaşinqtondan Ankaraya mesaj: İran işindən çəkil

2021.10.20, 07:36

Gunaz.tv

GünAzTv: ABŞ (Amerika Birləşmiş Ştatları) Türkiyənin İranın nüvə fəaliyyətləri ətrafında hökm sürən gərginliyin aradan qaldırılması üçün göstərdiyi səyləri dayandıraraq bu işə qarışmamasını istəyir. Bu barədə yüksək rütbəli amerikalı rəsmi ABŞ mətbuatına bildirib.

Mənbə deyib ki, ABŞ tərəfinin bu mövqeyi dövlət katibi Hillari Klintonla Türkiyənin xarici işlər naziri Əhməd Davudoğlu arasında iyulun 12-də aparılan telefon danışığı zamanı çatdırılıb. Amerikalı rəsmi deyib ki, Türkiyə tərəfinə İran məsələsinin BMT Təhlükəsizlik Şurası və Beynəlxalq Atom Enerjisi Agentliyinin öhdəsinə buraxılmalı olduğu bildirilib. Onun dediyinə görə, Türkiyə tərəfi də bu istəyi qəbul edib və İran məsələsində vasitəçilik səylərini dayandırmağa razılaşıb.Xəbər verildiyi kimi, Türkiyə uzun müddətdir İranın nüvə fəaliyyətlərinə dair gərginliyin yumşaldılması üçün müxtəlif diplomatik cəhdlər edir. Son olaraq Türkiyə və Braziliyanın vasitəçiliyi ilə İranla uran mübadiləsinə dair saziş imzalanıb. Lakin dərhal sonra ABŞ İrana qarşı yeni sanksiyaların Təhlükəsizlik Şurasının daimi üzvləri ilə razılaşdırıldığını açıqlayaraq bu sazişin əhəmiyyətini heçə endirib. Vaşinqton Türkiyənin İran məsələsinə qarışmasından məmnun deyil və hesab edir ki, Ankara vasitəçilik cəhdləri etməkdənsə sanksiyalara dəstək verməlidir.GünAzTv mətbuat mərkəzinin “Musavat”-a istinadən yaydığı məlumata görə, Türkiyənin xarici işlər naziri Əhməd Davudoğlu isə amerikalı rəsminin adından yayılan məlumata münasibət bildirərək deyib ki, H.Klinton ondan belə xahiş etməyib: “Əksinə, dövlət katibi ilə baş tutan olduqca faydalı telefon danışığı zamanı Türkiyənin İranın nüvə fəaliyyətləri probleminin diplomatik yollarla həlli yönündə səyləri təqdir edilib. İran Türkiyənin qonşusudur. Kimin bizə bu işdən çəkil, yaxud çəkilmə deməsindən asılı olmayaraq, Türkiyə istənilən halda prosesin tərkibində yer alır. Bunu da ən yaxşı bilən ABŞ və xanım Klintondur. İran məsələsində bir tərəfdən Tehran razılaşması gündəmdədir, digər tərəfdən, İranın Atom Enerjisi Təşkilatının rəhbəri Səid Cəlilinin Avropa İttifaqına göndərdiyi məktubdan söhbət gedir. Türkiyə hər iki halda əlindən gələni etməkdə davam edəcək. Bizim nə prosesin işində yer almaqla bağlı təlaşımız var, nə də ABŞ tərəfindən bizə belə istək çatdırılmayıb”.Ə.Davudoğlu əlavə edib ki, o, telefon danışığı ilə bağlı iddianın nə məqsədlə ortaya atıldığını bilmir.

GUNAZ.TV

SON XƏBƏRLƏR