Prezident Əliyevin Qarabağla bağlı son çıxışı geniş şərh edilir

SON XƏBƏRLƏR

Prezident Əliyevin Qarabağla bağlı son çıxışı geniş şərh edilir

2021.10.20, 07:36

Gunaz.tv

GünAzTv: Azərbaycan prezidenti İlham Əliyev özünün son çıxışında Dağlıq Qarabağın Azəraycandan nə zamansa ayrılacağı iddilarını “xülya” adlandırıb.

İ. Əliyev deyib ki, erməni tərəfi və ya hər-hansı üçüncü qüvvə Qarabağa status verə bilməz və bölgə Azərbaycan tərkibində qalacaq.

GünAzTv mətbuat mərkəzinin BBC-yə istinadən yaydığı məlumata görə, Əliyev bu bəyanatı bu həftə Ermənistan və Azərbaycan xarici işlər nazirləri arasında keçiriləcək görüş ərəfəsində səsləndirib. Bakıdakı təhlilçilər isə deyir ki, Əliyevin son bəyanatları “medalın yalnız bir tərəfi” ola bilər.

Hökümət üzvlərinin iştirakı ilə keçirilən son müşavirədə İlham Əliyev birmənalı və nikbin kimi qəbul edilən bəyanatlar verib. Qarabağa rəsmi Bakıdan başqa heç kəsin status verə bilməyəcəyini vurğulayan Əliyev bölgənin Azərbaycandan qoparmaq cəhdlərinin faydasız olduğunu deyib.

“Azərbaycan dövləti və xalqı heç vaxt Dağlıq Qarabağa Azərbaycandan ayıra biləcək heç bir status verməyəcək və danışıqlarda Qarabağın Azərbaycandan nə vaxtsa ayrılması ilə bağlı heç bir mexanizm yoxdur, ola da bilməz”,- deyib Əliyev.

Prezident habelə qeyd edib ki, Azərbaycanın ərazi bütövlüyü danışıqlar predmeti deyil.

İlham Əliyev habelə vurğulayıb ki, “xalqların öz müqəddəratını təyin etməsi məsələləri ölkələrin ərazi bütövlüyü çərçivəsində uğurla həll oluna bilər”.

Bakıdakı bir çox müşahidəçilər isə hesab edir ki, ölkə rəhbərliyinin Qarabağın statusuna xüsusi olaraq vurğulaması bu məsələnin ən qəliz olmasına dəlalət edə bilər. Siyasi təhlilçi Eldar Namazov düşünür ki, son rəsmi bəyanatlar mövcud siyasi reallıqların yalnız bir hissəsini əks etdirir.

”Bu bəyanat medalın yalnız bir üzüdür. İndi bizim əsas narahatlığımız Qarabağın statusunun səsvermə yolu ilə həlli təklifi ilə bağlıdır”.

Bu həftəsonu Qazaxstanda ATƏT sammiti çərçivəsində iki ölkə xarici işlər nazirlərinin görüşü planlaşdırılır. Yerli mətbuatda bu görüşdə Laçın və Kəlbəcərin taleyinin müzakirə ediləcəyi xəbər verilir.

Deyilənlərə görə, bu məsələ statusla yanaşı Qarabağ çözümünün ən ixtilaflı mövzusudur. Bu rayonlar Azərbaycana aid olsa da Ermənistanla Qarabağ erməniləri arasında həm bufer, həm də dəhliz rolunu oynayır.

GUNAZ.TV

SON XƏBƏRLƏR