Xatəmi hazırkı hökumətlə, Şah hökumətini müqayisə edib

SON XƏBƏRLƏR

Xatəmi hazırkı hökumətlə, Şah hökumətini müqayisə edib

2021.10.20, 07:36

Gunaz.tv

GünAzTv: İslahat tərəfdarı olan jurnalistlər və gənclərlə görüşən İranın keçmiş prezidenti Məhəmməd Xatəmi hökuməti kəskin tənqid edib.

GünAzTv mətbuat mərkəzinin “Media forum”-a istinadən yaydığı məlumata görə, iyulun 13-də keçirilən görüşdə Məhəmməd Xatəmi prezident Mahmud Əhmədinejadın adını çəkmədən onun müxalif partiyalarla bağlı mövqeyini kəskin pisləyib: “Son günlər bildiriblər ki, ölkədə yalnız bircə partiya var. Qalan partiya və siyasi qurumlar isə qanunsuzdur. Doğrudan da heyrətləndiricidir. Şah da hakimiyyətdə olduğu illərdə bir gün çıxıb dedi ki, ölkədə bircə partiya (Rəstaxiz Partiyası) var. Hər kəs ki, onu bəyənmir və üzvü olmaq istəmir, pasport alıb ölkədən çıxıb gedə bilər.

Bu gün də eyni vəziyyətdir. Müəllimlər, tələbələr, mütəxəssislər, jurnalistlər, ziyalılar və sərmayə sahibləri ölkəni tərk etməkdədirlər. Niyə bu faciələrin qarşısı alınmır? Biz sistem və onun qanunlarının çərçivəsi daxilində işləyir, fəaliyyət göstəririk. Lakin bəziləri buna imkan vermir.

Təəssüflər olsun ki, bu gün bəzi şəxslər özlərini haqqın meyarı sayır, gözlərinin üstündə qaş var deyən müxaliflərini isə fitnəçi adlandıraraq meydandan çıxarmağa səy göstərirlər. Biz hesab edirik ki, əsl meyar, qanun və ona riayət, inqilab dəyərləri, ölkə və xalqın mənafeyindən ibarət olmalıdır. Bu gün iş o yerə gəlib çatıb ki, ölkə parlamenti də bəzilərinin qanunsuzluqlarının qarşısını ala bilmir. Parlament hansısa qərarı qəbul edir, amma təzyiqlərə dözməyərək geri oturmağa məcbur edilir. Bu faciədir”.

Bir neçə gün əvvəl dini rəhbər ayətullah Əli Xamneyinin ali təhsil ocaqlarındakı nümayəndələri ilə görüşən Mahmud Əhmədinejad müstəqil və müxalif partiyaların fəaliyyətini pisləyərək ölkədə yalnız bircə qanuni partiyanın mövcud olduğunu demişdi: “Ölkədə müxtəlif partiya və siyasi cərəyanların yaranması ilə inqilab dəyərlərin fatihəsi oxundu. Halbuki bizim sistemdə yalnız bircə partiya var. O da “Vilayət” (ayətullah Xamneyinin tərəfdarları nəzərdə tutulur) partiyasıdır”.

GUNAZ.TV

SON XƏBƏRLƏR