Tehranin bölgə siyasəti Azərbaycana qarşıdır

SON XƏBƏRLƏR

Tehranin bölgə siyasəti Azərbaycana qarşıdır

2021.10.20, 07:36

Gunaz.tv

GünAzTv: ABŞ (Amerika Birləşmiş Ştatları) Konqresi üçün hazırlanan hesabatda deyilir ki, İranın hərbi gəmiləri Azərbaycanda BP-nin gəmisini hədələyiblər.

“İranın Mərkəzi Asiyada yeritdiyi siyasət bu ölkənin Xəzərin təbii ehtiyatlarına iddiasını, xüsusilə Azərbaycana qarşı maraqlarını ortaya qoyur”. ABŞ Konqresi Tədqiqat Mərkəzinin Yaxın Şərq məsələləri üzrə mütəxəssisi Kennet Katsman “İran: maraqlar və siyasi reaksiyalar” mövzusunda son hesabatında belə deyib. hesabat Konqres üzvləri və komitələri üçün hazırlanıb. K.Katsman xatırladır ki, 2001-ci ilin iyulunda Iranın hərbi gəmiləri və təyyarələri Xəzər dənizində Azərbaycanda kontrakt əsasında işləyən BP gəmisini hədələmişdilər: “Həmin hadisəni fitnəkarlıq adlandıran ABŞ Azərbaycanla sərhədlərin mühafizəsi və müdafiə sahəsində Irana və Rusiyaya qarşı yönələn əməkdaşlığa başlayıb. ABŞ müvəffəqiyyətlə Bakı-Tbilisi-Ceyhan neft kəmərinin tikintisini dəstəkləyib və bununla Iran neftinə alternativ yaratmaq niyyətində olub”. Hesabata əsasən Obama administrasiyası Buş administrasiyasının Iranı “ABŞ-ın milli maraqlarına təhlükə” kimi qiymətləndirən xarakteristikasını dəyişməyib. Bu mülahizələr təkcə Iranın nüvə proqramından deyil, həm də onun Iraq və Əfqanıstandakı silahlı qrupları, Fələstində HAMAS-ı və Livanda “Hizbullah”ı dəstəkləməsindən irəli gəlir: "Obama administrasiyasında bir çoxları Buş administrasiyasında olduğu kimi, Irana ABŞ-ın milli təhlükəsizliyinə əsas maneələrdən biri kimi baxır". Hesabat müəllifi belə fikirdədir ki, Iranın Silahlı Qüvvələri çoxsaylı olsa da, ABŞ və ya region miqyasında baxanda Türkiyə ordusu kimi yaxşı təlim görmüş, təcrübəli hərbi qüvvəyə qarşı effektiv döyüşmək iqtidarında deyil. Müəllif hesab edir ki, ABŞ və Iranın mövcud rejimi arasında etimadsızlıq təxminən otuz il ərzində dərinləşib. Bəziləri iddia edir ki, Tehranda kimin hakimiyyətdə olmasından asılı olmayaraq, ABŞ və Iranın Körfəz və Cənubi Asiya regionunda sabitlik yaratmaq baxımından ümumi uzunmüddətli maraqları var.

GUNAZ.TV

SON XƏBƏRLƏR