Contact Us

SON XƏBƏRLƏR

Qaz kəmərinin satışa çıxarılması Ermənistanda panika yaradıb

2021.10.20, 07:36
Qaz kəmərinin satışa çıxarılması Ermənistanda panika yaradıb

Gunaz.tv

GünAzTv: Xəbər verildiyi kimi, Gürcüstan Rusiyadan Ermənistana gedən qaz kəmərinin öz ərazisindən keçən 235 kilometrlik hissəsini satışa çıxaracağını elan edib. Bu məsələ hazırda Gürcüstanda və Ermənistanda geniş müzakirə olunmaqdadır. Gürcüstanda narahatdırlar ki, kəməri Rusiya ala və bununla da ölkənin milli təhlükəsizliyi üçün qorxu yarana bilər.

GünAzTv mətbuat mərkəzinin “Musavat”-a istinadən yaydığı məlumata görə, Ermənistanda isə kəmərin Azərbaycanın nəzarətinə keçə biləcəyi ilə bağlı əsl panika yaranıb. Belə ki, xəbərlərə görə, kəməri almağa “Qazprom”, Azərbaycan Respublikası Dövlət Neft Şirkəti (ARDNŞ) və Qazaxıstanın “Kazmunayqaz” şirkəti maraq göstərir. Gürcüstanın baş naziri Nika Qiluari mübahisələri sakitləşdirmək üçün bildirib ki, kəmərin nəzarət səhm paketini satmağın əleyhinədir. O, London birjasında kəmərin səhmlərinin 10-15 faizinin satıla biləcəyini deyib. Buna baxmayaraq, hakim partiya kəmərin nəzarət səhm paketini satmağı qadağan edən düzəlişin parlamentdən keçməsinə imkan verməyib.Ermənistanda isə təşviş o dərəcədə artıb ki, artıq kəmərin satılacağı halda Gürcüstana qarşı müharibəyə başlamaq çağırışları səslənir. Erməni ekspert Vaqe Sərkisyan jurnalistlərə bildirib ki, əgər Gürcüstan qaz kəmərini Azərbaycana satsa, o zaman bu sövdələşməni dayandırmaq üçün hərbi əməliyyatlara başlamaq lazımdır. Sərkisyanın sözlərinə görə, rəsmi Tiflis qaz kəmərinin satışa çıxarılmasını iqtisadiyyatın liberallaşması ilə əsaslandırsa da səbəblər başqadır və siyasidir. Onun sözlərinə görə, kəməri hansı şirkətin alacağı Ermənistan üçün kritik əhəmiyyət daşıyır. Ermənistan istərdi ki, kəməri “Qazprom” alsın. Lakin kəməri Azərbaycan, yaxud Türkiyə şirkətləri almaq istəsə, o zaman Ermənistan beynəlxalq instansiyalarda buna qarşı mübarizəyə başlamalıdır.“Qaz kəmərini Azərbaycana satmaq o deməkdir ki, Ermənistanın boğazına kəndiri keçirib ucunu Bakıya verəsən. İstənilən vaxt bu ölkə Ermənistanı boğa, əlindəki ipi dartıb onu sürüyə bilər. Ona görə də biz kəmərin kimə satılmasına laqeyd qala bilmərik, Ermənistan Gürcüstandan izahat tələb etməlidir və kəmərin siyasi motivlərlə satılmasına imkan verməməlidir” - deyə Sərkisyan bildirib.

SEÇİLMİŞ XƏBƏRLƏR

Çox oxunanlar