Contact Us

SON XƏBƏRLƏR

Hazırda həbsdə saxlanılan Milli-mədəni fəalın anası İran rəsmilərinə məktubla müraciət edib

2021.10.20, 07:36
Hazırda həbsdə saxlanılan Milli-mədəni fəalın anası İran rəsmilərinə məktubla müraciət edib

Gunaz.tv

GünAzTv: hazırda İran rejiminin təcridxanasında məhbus həyatı keçirən milli-mədəni fəal Behbud Quluzadənin 70 yaşlı anası (Tahirə Pur imamquli) oğlunun məruz qaldığı haqsızlıq barədə İranın Ədliyyə Naziri ayətullah Amoli Laricaniyə məktub ünvanlayıb. Məktubun digər surətidə İranın ali rəhbəri ayətullah Xamenei və İran İslam Respublikasının prezidenti Mahmud Əhmədinejada ünvanlanıb.

 

Məktubda qısa olaraq qeyd olunub: “Mənim oğlum Behbud Quluzadə 2010-cu il may ayının 21-də (1389-cu il ordibeheşt ayının 31-i) öz iş yerinə (Qoşaçay şəhərində yerləşən bir mağaza) müraciət edərkən sıvıl məmurlar tərəfindən yaxalanıb.

 

2 nəfər şahidin bildirdiyinə görə, məmurların məhkəmə hökmü  olmayıb. Buna baxmayaraq onlar Behbudu tutuqlayıb sonra isə mağazada axtarış aparıblar. Axtarış nəticəsində ona aid bir çox şəxsi əşya o cümlədəndə 9 kompüter aparılıb. Onlar tutuqlama əməliyyatında təhqir edici ifadələr dilə gətiriblər.

 

Behbud bəy tutulduğu gündən günümüzə qədər ancaq iki dəfə qısa telefon əlaqəsi saxlaya bilib. Onun ailəsinin müraciətlərinə onun yaxalanmasının səbəbi, dəqiq olaraq harda saxlanılması və necə saxlanılması barədə hələdə heç bir cavab verilməyib.

 

Məktubda Behbud Quluzadə haqqında riayət olunmayan bir çox hüquqi zəminlərə işarə edilib, onun vəkil hüququndan məhrum olması və ailəsi ilə görüşə bilməməsi də xüsusi vurqulanıb.

 

Həmçinin məktubun bir hissəsində isə İranın hüquqi qanunları xatırladılıb. Behbud Quluzadə haqqında əməl olunan isə xatırladılan qanunlara əks olunduğu ifadə olunub.

 

Məktubun son hissəsində isəTəhlükəsizlik Qüvvələri və Məhkəmə Sisteminin Azərbaycanlılar və Azərbaycanın milli kimliyi uğrunda dinc fəaliyyət aparan şəxslərə qarşı yanaşmaları pislənilib. Vurqulanıb ki, əgər bu vəziyyət dəvam edəcəksə faktla bağlı Beynəlxalq Təşkilatlara müraciət olunacaq.

SEÇİLMİŞ XƏBƏRLƏR

Çox oxunanlar