Contact Us

SON XƏBƏRLƏR

Rauf Mirqədirov: Avropa Birliyi Türkiyədən çəkinir

2021.10.20, 07:36
Rauf Mirqədirov: Avropa Birliyi Türkiyədən çəkinir

Gunaz.tv

GünAzTv: Quruma Türkiyədən də hazırlığı aşağı səviyyədə olan dövlətlər qəbul olunsa da, Ankaraya rədd cavabı verilir.

 

GünAzTv mərbuat mərkəzinin “Azadlıq” qəzetinə istinadən yaydığı məlumata görə, ABŞ (Amerika Birləşmiş Ştatları) prezidenti Barak Obama və NATO-nun baş katibi Anders Foq Rasmussen Türkiyənin Avropa Birliyinə üzvlüyü ilə bağlı bir sıra maraqlı fikirlər səsləndiriblər. ABŞ prezidenti bildirib ki, Türkiyənin Avropa Birliyində tam üzv olaraq yer alması vacibdir. “Türkiyə özünü Avropa ailəsinin bir üzvü kimi hiss etməzsə, ittifaq və əlaqə baxımından başqa yerlərə baxmağa başlaması normal hal olacaq”,- deyə B.Obama vurğulayıb. NATO-nun baş katibi də hesab edir ki, AB Türkiyəyə münasibətdə daha ədalətli davranmalıdır.Hər iki bəyanatın Türkiyə ilə bağlı reallıqları əks etdirdiyini deyən siyasi şərhçi Rauf Mirqədirovun fikrincə, Ankaranın da müəyyən şantaj elementlərindən istifadə etməsi vəziyyəti qəlizləşdirir. AB-nın Türkiyəyə münasibətdə səmimi olmadığını deyən R.Mirqədirov vurğuladı ki, əslində təcrübə göstərir ki, Türkiyədən də hazırlığı aşağı olan dövlətlər AB-ya daxil olsa da, Ankara bu şansı əldə etməyib: “Avropa Birliyi Türkiyənin quruma üzvlük üçün hazır olmadığını bəyan edərək, Ankaraya hələ də rədd cavabı verir. Amma Türkiyəyə qarşı irəli sürülən bu səbəb bir o qədər də əsaslı deyil. Çünki Avropa Birliyinə Cənubi Kipr üzv kimi qəbul olunub. Kiprlə isə Türkiyənin inkişaf səviyyəsi tamamilə fərqlidir. Bundan başqa, Avropa Birliyi bəyan edib ki, Albaniyanın da bu yaxınlarda quruma üzvlüyü nəzərdə tutulub”.Bütün baş verənlərə rəğmən AB-nın Türkiyədən çəkindiyini deyən R.Mirqədirov vurğuladı ki, qurum Türkiyədən çox şeylər almaq istəsə də, bunun müqabilində müəyyən addımlar atmaq istəmir.

SEÇİLMİŞ XƏBƏRLƏR

Çox oxunanlar