ATƏT Parlament Assambleyasının sədri: mən problemi Ermənistan tərəfdə görürəm

SON XƏBƏRLƏR

ATƏT Parlament Assambleyasının sədri: mən problemi Ermənistan tərəfdə görürəm

2021.10.20, 07:36

Gunaz.tv

GünAzTv: ATƏT-in Parlament Assambleyasının vəzifəsini tərk edən sədri Joao Soares BBC-nin Azərbaycan xidmətinə eksklüziv müsahibəsində bəyan edib ki,Dağlıq Qarabağ münaqişəsi üzrə sülh prosesinin ləngiməsinə görə Ermənistan daha çox məsuliyyət daşıyır.

Təşkilatın Osloda keçirilən sessiyasında cənab Soares vəzifəsini tərk etmək üzrə olduğundan açıq danışa bildiyini vurğulayıb:

"Biz bəzi beynəlxalq müşahidəçilərdən bir sıra nikbin bəyanatlar eşidirik. Bəziləri hətta 6 ildir ki, sülh üçün qızıl imkanın yaranmasını deyirlər.

Mən də sülh üçün yaxşı yaxşı imkanın olduğunu düşünürəm. Həm Azərbayanda və ələxüsus Ermənistanda layiqli çözümə nail olmaq üçün iradə hiss etmişəm.

Belə iradə həm Ermənistan, həm Azərbaycan prezidentlərində var.

Azərbaycan tərəfində iradədən başqa bunu etmək üçün imkan da var.

Çözüm düsturunu indi hamı bilir. Madrid razılıqlarından bəri.

Amma başqa, məsələyə təsir edən amillər də var. Bir il əvvəl Ermənistan-Türkiyə münasibətlərinin yaxşılaşdırılması istiqamətində mühüm addımlar atılmışdı.

Lakin sonra sazişlərin ratifikasiyasında problemlər üzə çıxdı.

Bundan başqa, Ermənistanın daxili siyasətində də problemlər mövcuddur.

Bu ölkədə Rusiya, Avropa və ABŞ-dakı erməni diasporasının təsiri çox güclüdür və çoxları razılaşırlar ki, diaspora Dağlıq Qarabağ probleminin həllini mürəkkəbləşdirən amildir.

Mən "qızıl imkandan" danışan dostlarım və həmkarlarım qədər nikbin deyiləm. Amma ürəkdən inanıram ki, real imkan var.

Mən ATƏT-in PA-nın sədri kimi vəzifəmi tərk etmək üzrə olduğumdan sizə səmimi şəkildə öz şəxsi fikirlərimi deyə bilərəm.

Azərbaycan hökumətində sülh üçün həm iradə, həm də güc görürəm.

Ermənistan prezidentində də razılığa gəlmək üçün iradə var. Seçiləndən sonra o buna nail olmaq üçün böyük səy göstərdi. Mən deyə bilmərəm onun Ermənistanın siyasi qüvvələri arasında bu mərama çatmaq üçün kifayət qədər nüfuzu var ya yox.

Azərbaycan prezidenti İlham Əliyev də bunlar var - iradə və nüfuz.

Buna görə mən problemi Ermənistan tərəfdə görürəm.

Əgər ermənilər lazım olan addımları atsalar bu onlar üçün Türkiyə sərhədinin açılması ilə nəticələnəcək.

Əlbəttə,onlar diasporanı da nəzərə almalıdırlar. Lakin ölkədən 30 il uzaqda firavan yaşamış ermənilər Yerevandakı siyasəti müəyyən etməməlidirlər.

Masa üzərində olan çözüm təklifi optimal olmasa da, yaxşıdır. Vətənim Portuqaliyada bir atalar sözü var : "Optimallıq yaxşının düşmənidir."

Bu mənim şəxsi mövqemdir və ATƏT PA-nın mövqeyini əks etdirmir."

GUNAZ.TV

SON XƏBƏRLƏR